Madridning "Real" klubi himoyachisi Pepe sobiq bosh murabbiy Rafael Benites unga ishonmasligini bildirganini aytib o'tdi. Pepe mavsum boshida asosiy tarkibga kiritilmay qo'ygan edi.
"Benites menga boshidanoq ishonmasligini bildirgan edi. Bu odatiy hol, chunki Ramos va Varan mendan yoshroq futbolchilar. Ammo men ham mehnat qilishda davom etdim va odamlar mendan qanday o'yin kutish mumkinligini yaxshi biladilar.
Astoydil ishlaydigan bo'lsang, albatta o'zingni ko'rsatish imkoni bo'ladi. Shunday ekan, men ishlashda davom etaman", - deydi Pepe.
Eslatib o'tamiz, Pepe joriy mavsum Ispaniya chempionatida 20 o'yinda maydonga tushib, 1 ta gol urgan va 1 ta golli uzatmani amalga oshirgan.
— deya xabar beradi uff.uz nashri.