Madridning "Real" klubi yarim himoyachisi Garet Beyl "Manchester Siti" bosh murabbiyi Manuel Pellegriniga javob qaytardi. "Shaharliklar" bosh murabbiyi EChL yarim finalida "Real"ning omadi kelgani va shu tufayli finalga chiqqani haqida fikr bildirgan edi.
"Real" omad tufayli finalga chiqdi, degan gapga qo'shilmayman. Ha, gol urilgan vaziyatda biroz omadimiz keldi, ammo baribir biz o'yinning borishini nazorat qilib turgan edik.
"Siti" futbolchilarida esa vaziyatlar bo'ldi, ammo ikki o'yinni olganda ham birorta darvoza tomon to'g'ri yo'llangan zarbani eslay olmayapman. Balki bitta bo'lgandir.
"Real" shubhasiz adolatli tarzda finalga chiqdi. Yarim finalda har doim o'yin u qadar yorqin kechmaydi. Chunki har qanday xato og'ir oqibatga olib kelishi mumkin. Biz gol urishga muvaffaq bo'ldik va bu gol o'yin taqdirini hal qildi", - deydi Beyl.
— deya xabar beradi uff.uz nashri.