Angliya futbol assotsiatsiyasi himoyachi Robert Xut hamda yarim himoyachi Maruan Fellaynini “Manchester Yunayted” hamda “Lester” (1:1) klublari o'rtasidagi o'yin vaqtidagi hatti-harakatlari uchun jazoladilar. Ikki futbolchi ham diskvalifikatsiya tufayli uchtadan o'yin o'tkazib yuboradi. Xut Fellaynini sochidan tortgani, “Manchester Yunayted” yarim himoyachisi esa tirsagi bilan javob qaytargani kameralarga yozib olingan. Futbolchilar o'z aybini tan olib, jazo adolatli ekanligini tan olishgan.
— deya xabar beradi uff.uz nashri.