“Roma” klubi yarim himoyachisi Miralem Pyanich navbatdagi evropalik top-klub e'tibori ostiga tushgan. La Gazzetta dello Sport nashrining ma'lumotiga ko'ra, 26 yoshli bosniyalik futbolchi uchun kurashga Turinning “Yuventus” jamoasi ham qo'shilgan. Aytish joiz, o'yinchiga shuningdek Myunxenning “Bavariya” hamda Parijning “PSJ” klublari da'vogarlik qilishmoqda. Pyanichning shartnomasi ko'rsatilgan tovon puli qiymati esa 38 million evroni tashkil qiladi. Ushbu mavsumda xavbek Italiya chempionatining 31ta o'yinida maydonga tushib, 9ta gol hamda 10ta golli uzatmaga mualliflik qilgan.
— deya xabar beradi uff.uz nashri.