"Barselona" himoyachisi Adriano Korreya "Milan" klubi qiziqish doirasida bo'lib turibdi.
Braziliyalik futbolchining "Barselona" bilan shartnomasi 2017 yilning yoziga qadar davom etishi lozim. Ammo kataloniyaliklar Adrianoni sotishga qarshi emas. Biroz vaqt muqaddam himoyachi bilan "Latsio" qiziqish bildirgan edi. Rimliklar Adrianoga to'rt yillik shartnoma taklif qilishga tayyor.
Adriano Korreya Ispaniya chempionatida joriy mavsum 8 ta o'yinda maydonga tushdi va ulardan to'rttasini ilk daqiqadan boshlagan. Bu uchrashuvlarda u bitta golli uzatmani amalga oshirgan.
— deya xabar beradi uff.uz nashri.