“Manchester Siti” klubi bosh murabbiyi Manuel Pellegrini mavsum o'z nihoyasiga etganidan so'ng faoliyatini Angliya Premer-ligasida davom ettirmoqchi. Daily Mail nashrining ma'lumotiga ko'ra, chililik murabbiy “Everton”da ishlashga qarshi emas. Mersisaydlik jamoa rahbariyati tez orada bosh murabbiy Roberto Martinesni o'z lavozimidan ozod etishi mumkin. Pellegrini yozda “Siti”ni tark etadi va Xosep Gvardiola uning o'rnini egallaydi. “Everton” 36 turdan so'ng APL musobaqa jadvalida 12-o'rinni egallab turibdi. Avvalroq, Pellegriniga “Milan” hamda “Zenit” klublari tomonidan qiziqish borligi ma'lum bo'lgandi.
— deya xabar beradi uff.uz nashri.