"Lester" hujumchisi Jeymi Vardi Angliya chempionatida qo'lga kiritilgan g'alaba haqida fikrini bildirarkan, safarda "Manchester Siti" ustidan qozonilgan g'alabaga katta ahamiyat qaratdi.
"O'sha kun hech kim biz g'alaba qozonishimizni kutmagan edi, ammo biz butun o'yin davomida ustunlik qildik va safarda g'olib chiqdik. Endi esa mana shu muvaffaqiyatni takrorlash uchun yangi mavsumni kutmoqdamiz.
"Siti", "Chelsi", "MYu" va "Liverpul" kabi klublarda har doim katta pul bo'lgan, ammo "Lester" ulardan ustun chiqa oldi. Nima uchun bu ishni yana bir marta takrorlamasligimiz kerak ekan? Hamma bizdan quyi ligaga tushib ketishimizni kutgan edi. Hozir esa biz - chempionmiz. Ammo Raneri bizdan hamon rivojlanishni talab qilyapti. Sovrinni qo'lga kiritishning o'zi kamlik qiladi, hali uni himoya qilish ham kerak", - deydi Vardi.

— deya xabar beradi uff.uz nashri.