«Lokomotiv» yarim himoyachisi Aleksandr Samedov o'tgan hafta Moskvada bo'lib o'tgan ko'cha futboli musobaqasini tomosha qilish uchun tashrif buyurdi. Musobaqa boshlanishi oldidan u «Sport-Ekspress» nashriga qisqacha intervyu berdi.
- Bunday aktsiyalarda bajonidil qatnashasizmi?
- Mazkur tadbir shubhasiz, juda muhim. Imkoniyat bo'lganida shunday aktsiyalarda ko'proq qatnashishga harakat qilaman. Bu erga yigitlarni tabriklash va sovg'alar ulashish uchun keldim.
- Bo'sh vaqtingizni bunday tadbirlarga sarflashga achinmaysizmi?
- Busiz iloji yo'q. Hali vaqtim bor. Keyin uyimga, oilam yoniga boraman.
- «Rostov»ga qarshi uchrashuvdan so'ng o'zingizga kelib oldingizmi? Buning uchun qancha vaqt ketdi?
- Ha. O'zimga keldim. Bunday tushkunliklardan qutulish uchun vaqt kerak. Hozir tajriba va yosh tufayli tezroq o'zimga kelyapman. Lekin har qanday holatda ham mag'lubiyatni tahlil qilib, xulosalar chiqarish lozim.
- «Rostov» bilan bo'lgan uchrashuvda «Lokomotiv» qandaydir vaziyatlar sodir etdi, deya olasizmi? Masalan, jamoangiz rostovliklar darvozasini ishg'ol qildi. To'g'risi, buni  joriy mavsumda hamma klub ham uddalay olmayapti.
- Biz mag'lubiyatga uchradik. Shunday ekan, ijobiy holatlarni izlashdan ne foyda? «Lokomotiv» uch ochko uchun borgandi. Ammo raqib bizdan bitta gol ko'p urdi. Mag'lubiyatning asl sababi xuddi shu narsa.
- Igor Cherevchenko uchrashuvdan oldin futbolchilarni dastlabki 15 daqiqada ehtiyotkorona o'ynash borasida ogohlantirgandi. Lekin jamoangiz buning uddasidan chiqa olmadi. Nima uchun tezkor gol o'tkazib yubordinglar?
- To'g'ri, murabbiy ogohlantirgandi. Ammo biz baribir, to'p o'tkazib yubordik. Bir so'z bilan aytganda, uning ko'rsatmalarini bajara olmadik. Aslida, «Rostov» dastlabki daqiqalarda ustunlikka ega bo'lmagandi. Biz xatoga yo'l qo'ydik. Rosti, «Rostov»dek jamoa bilan o'yinda to'p o'tkazib yuborish yoqimli emas.
- Qaysi gol muhim bo'ldi, deb hisoblaysiz?
- Bilmayman. Bu to'plarni qo'yib yubormasligimiz kerak edi. Biroq biz kutgandek bo'lmadi. Tanaffusdan keyin tezkor gol urdik. Raqibni o'z jarima maydoniga «tiqib» qo'yadigandek edik. Shunga qaramay, to'p o'tkazib yubordik.
- Ko'pchilik mutaxassislarning fikricha, «Lokomotiv»ga kreativlik va hujumda noodatiy yurishlar etishmayapti. Bu fikrga qo'shilasizmi?
- Balki shundaydir.
- Nyassaning ketishi «Lokomotiv» uchun katta yo'qotishdek tuyulmoqda?
- Endi «Loko» ixtiyoridagi futbolchilar bilan o'ynashga majbur. Bu vaziyatdan foydalanishga urinyapmiz.
- Mavsum oxirida «Kuban», «Zenit» va «Mordoviya»ga qarshi o'ynaysizlar. Ya'ni, elitada qolish uchun kurash olib borayotgan ikkita autsayder va chempionlik uchun kurashayotgan piterliklar. Taqvimga qanday baho berasiz?
- Ko'rib turganingizdek, taqvimning biz uchun sovg'asi yo'q. Lekin «Lokomotiv»ga ochkolar kerak. Demak, bu jamoalar bilan o'yinlar qiziqarli tarzda kechadi. Davomi InterFUTBOL gazetasi blogida.
— deya xabar beradi uff.uz nashri.