Madridning «Real» klubi hujumchisi Krishtianu Ronaldu «Deportivo»ga qarshi kechgan o'yinda ikkita gol urdi va jamoasining 2:0 hisobidagi g'alabasiga hissa qo'shdi.
Shu tariqa portugaliyalik hujumchi joriy mavsum davomida «Real» uchun urgan gollari soni 51 taga etdi. U Ispaniya chempionatida 35 ta va Chempionlar ligasida 16 ta gol kiritgan. Ushbu natijadan so'ng Krishtianu Ronaldu qatorasiga 6 mavsum davomida klub darajasida 50 va undan ortiq gol ura olgan ilk futbolchiga aylandi.
Portugaliya terma jamoasi sardori 2010/11 yilgi mavsumda 53 ta, 2011/12 yilgi mavsumda 60 ta, 2012/13 yilgi mavsumda 55 ta, 2013/14 yilgi mavsumda 51 ta va 2014/15 yilgi mavsumda 61 ta gol urishga muvaffaq bo'lgan.
— deya xabar beradi uff.uz nashri.