"Kosonsoy" klubi "JAR o'yingohida bankirlarga yirik hisobda mag'lub bo'ldi.
Binobarin, joriy mavsumda "Kosonsoy" bir qator muvaffaqiyatsiz o'yinlarni o'tkazmoqdaki, natijada turnir jadvalining "kuchsiz to'rt"lidan joy olib turibdi. Shundan bo'lsa kerak, kuni kecha jamoa rahbariyati jamoaning yangi bosh murabbiyi etib Olimxon Tursunxo'jaevni tayinladi. Shu kungacha mazkur vazifani bajarib kelgan Muhmonxon Solixo'jaev esa iste'foga chiqarildi va uning shu kungacha qilgan mehnati uchun rahbariyat va barcha muxislar minnatdorchilik bildiradi. Bundan keyin M.Solixo'jaev jamoa futbol maktabida faoliyat ko'rsatadigan bo'ldi.
Shu o'rinda Olimxon Tursunxo'jaev haqida ma'lumot berib o'tsak.
1969 yilda Kosonsoyda tug'ilgan bu mutaxassis turli yillarda "Kosonsoychi" jamoasida qisqa futbolchilik faoliyatini o'tkazgan. Toshkent Jismoniy tarbiya institutini tamomlagan Tursunxo'jaev o'tgan yili "V" murabbiylik kurslarini ham muvaffaqiyatli tarzda tamomladi. Shu kungacha turli jamoa futbol akademisini boshqarib kelgan bu mutaxassisga kelgusi faoliyatida omadlar tilab qolamiz. Unga jamoada Abduvosit Azizov, Shuhrat Bozorov va Otabek Mahmudovlar yordam berishadigan bo'lishdi.  
Eslatib o'tamiz, shu kungacha 9 o'yinda bor yo'g'i 6 ochko jamg'argan "Kosonsoy" turnir jadvalning 16 -pog'onasidan o'rin olib turibdi.
— deya xabar beradi uff.uz nashri.