Loyihamizning navbatdagi mehmoni sifatida hozirda “Andijon” klubi sharafini himoya qilayotgan iqtidorli hujumchi Alisher Shog'ulomovni tanladik. “Yashil maydon” loyihasining ushbu sonini bevosita Andijon shahridagi “Sog'lom avlod” o'yingohining yashil maydonida tayyorladik.
Baxtiyor Toshtemirov: Avvalambor loyihamizda ishtirok etayotganingizdan hursandmiz. Endi odatiy savol bilan sizga murojaat qilmoqchiman. Futbolga kirib kelishingiz haqida gapirib bersangiz.
- Assalomu alaykum. Avvalambor, ushbu loyihaga taklif etganinglar uchun katta rahmat.
Futbolga kirib kelishimda dadamning o'rni judayam katta. Chunki dadam ham yoshligidan futbolga qattiq mehr qo'ygan va o'zlari ham bu sport turi bilan professional tarzda shug'ullangan. O'sha davrda futbolga hozirgidek e'tibor bo'lmaganligi tufayli boshqa kasbni tanlaganlar. Shuning uchun ham o'zlari erishmagan orzulariga men orqali erishishni niyat qilganlar.
Dilrabo Sobirova: Harakteringizga qanday baho bergan bo'lardingiz?
- Qiziq savol (kuladi). Ko'pchilik meni qiziqqon deb biladi. To'g'ri, 2-3 yil avval murabbiylar bilan ko'p tortishardim, balkim o'sha paytlari yoshlik qilgandirman, lekin keyinchalik buni noto'g'ri ekanligini anglab etdim. Shu o'rinda yosh futbolchi ukalarimga shuni aytgan bo'lardimki, o'zingizdan katta inson gapirganda uning gaplariga albatta quloq soling. Chunki ular behudaga tanbex berishmaydi.
Baxtiyor Toshtemirov: Sovg'a berishni yoqtirasizmi yoki sovg'a olishni?
- Albatta sovg'a olishni yoqtiraman, lekin sovg'a berish ham qiziqarli.
Dilrabo Sobirova: Hujumchi sifatida O'zbek futbolidan kimning o'yinlari sizga ma'qul keladi?
- Yurtimizdan ko'pblab iqtidorli hujumchilar etishib chiqqan. Lekin men uchun Aleksandr Geynrixning o'yinlari alohida e'tiborga loyiq. Aynan uning o'yinlaridan ilhomlanib hujumchi bo'lganman.
Davomi Sports.uz blogida.
— deya xabar beradi uff.uz nashri.