Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
«Tal'at aka – fanat aka»ning oromi va og'rig'i (InterFUTBOL blogi)
Mana, quvonch va iztirobga, shukuh va shiddatga to'la evromavsum ortda qoldi, hisob. O'tgan shanba oqshomidagi qizg'in bahslardan so'ng ming-minglab qalblar birdan tinchlandi. Chunki Ispaniya primerosida ham chempionlik masalasiga oydinlik kiritildi. Ochig'i, o'sha kuni «Bunyodkor»-«Buxoro» uchrashuvi davomini aksariyat muxlislar tomosha qilishmadi. Kimdir «Match TV»ning «Futbol-1», yana birov «Futbol-2» telekanaliga ulandi. Markaziy shaharlardan uzoqroqda yashovchi muxlislar esa Idman, VarzishSport kabi telekanallarni izlab topishdi.
Idman va VarzishSport xizmatidan foydalanganlar u qadar qiynalishmadi. Zero, bu telekanallar asosiy ekranda «Granada»-«Barselona» bahsini, uning bir burchagida esa «Deportivo»-«Real» o'yinini namoyish etishdi. «Futbol-1» «Barselona», «Futbol-2» esa «Real» muxlislari istaklarini qondirdi. O'ta qiziquvchan muxlislar hattoki, 2ta televizorni yonma-yon qo'yib olishdi. Endi ma'lum bo'lishicha, mazkur uchrashuvlar va «Kelin» serialining parallel kelib qolishi oqibatida bir qancha xonadonlarda kelishmovchiliklar ham yuz beribdi... Xullas, katta futbol marafonining marrasi shunday maroqli voqealarga boy kechdi.
Qaysidir muxlisda «Xo'sh, o'zingiz qanday yo'l tutdingiz?» qabilida savol tug'ilishi tabiiy. To'g'risi, hech bir ikkilanishsiz «Bunyodkor»-«Buxoro» uchrashuvini oxirigacha kuzatdik. Nega? Chunki milliy chempionatimiz doirasidagi bahsni Sport telekanali orqali to'g'ridan-to'g'ri tomosha qilish zavqidan bebahra qolishni istamadik. Yo'q-yo'q, hech bir istehzo emas bu. Ana, «Lokomotiv»-«Paxtakor» o'yinini tun yarmida namoyish etishdi. Vaqtni aniq bilmaganimiz bois, g'aflatda qolibmiz.
Muhim bahs ertasiga takroran berilganida esa, «Kim ediku kim bo'ldik, ertaga qanday yuksak marralarni egallashimiz kerak?» mavzusidagi targ'ibot tadbirlariga jo'nab ketgandik. Qisqasi, shunday muhim uchrashuvni o'z vaqtida tomosha qilish imkoni topilmadi. Bunga kim aybdor? Albatta, o'zimiz. Butun boshli telekanal aybdor bo'lmaydi-ku?! Hammasi beparvolik yoki ishonuvchanlikning salbiy oqibati. TV dasturda o'zgarish qilinishini nazarda tutganimizda, shuncha gap-so'zga o'rin qolmasdi. Xunobimiz oshganini ko'rgan bir hamkasbimiz «Lokomotiv»-«Paxtakor» uchrashuvi yozilgan fleshkasini qo'limizga tutqazar ekan, asta shivirladi: «Poytaxtdagi bahslar to'g'ridan-to'g'ri efirga uzatilsa, stadionda muxlislarning soni kamayib ketarmish. Chunki muxlislar stadionga tushmay, sevimli jamoalari ishtirokidagi uchrashuvlarni uyda xotirjam holda, teleekran orqali tomosha qilisharmish...».
Ol-a, endi bunisi ortiqcha. Hamkasbimizning soddaligidan bosh chayqadik. Sport telekanalidagilar bunchalar sodda emaslar. Ular to'g'ridan-to'g'ri efirning stadionga muxlislar tashrifiga mutlaqo ta'siri yo'qligini juda yaxshi bilishadi. Poytaxtda bo'lib o'tadigan bir necha uchrashuv to'g'ridan-to'g'ri efirga uzatilmasligining bizga nomalum sabablari bordir balki. Tashqaridan turib, gapirish oson. Shundoqqina yonida bo'layotgan bahsni to'g'ridan-to'g'ri efirga uzatishni qaysi sport kanali istamaydi? Xokkey bo'yicha jahon chempionatidagi zerikarli uchrashuvni sharhlayotgan jurnalist xayolida ham milliy chempionatimizning muhim uchrashuvlari turganiga ishonchimiz komil. Bir necha bahslar to'g'ridan-to'g'ri efirga uzatilmadimi, demak, qandaydir nomuvofiqlik, noqulaylik yuz bergani aniq. «Bunyodkor»-«Buxoro» uchrashuvining to'g'ridan-to'g'ri translyatsiya qilingani - fikrimiz isboti.
Ongu-shuurimiz shunday mulohazalar bilan band bo'lib turgan bir pallada to'g'ridan-to'g'ri efirga uzatilayotgan «Bunyodkor»-«Buxoro» bahsini oxirigacha kuzatmasligimiz, «Nari tur, evrofutbol!» demasligimiz, shunday deyishga kuchimiz etmasligi adolatdan sanalmasdi. Shukrki, ichimiz qanchalar qizisada, o'sha bahslarga qiziqsakda, bunga kuchimiz etdi. Uchrashuv yakunlangach ham «Futbol-1» yoki «Futbol-2»ga ulanishga shoshilmadik. Qadrdonlarimiz Musulmon va Mahmud Namozovning Surxon safariga bag'ishlangan ko'rsatuvini ham tomosha qilishimiz shart edi. «Madaniyat va ma'rifat» telekanalining bu noodatiy ko'rsatuvi evrofutbolning natijasini avvaldan taxmin qilish qiyin bo'lmagan ikki muhim uchrashuvidan ustun keldi.
Yo'q, fikrimizcha, bu hol futbolga nisbatan hurmatsizlik hisoblanmaydi. Insoniy munosabatlar shunchaki, ba'zan barcha o'yinlarni, shu jumladan, futbolni ham engadi. Bu orada ustoz Temur To'raboev birodarimiz, taniqli ijodkor Bahodir Murod Ali vafot etgani haqidagi mash'um xabarni etkazdi. Futbol ortiq ko'ngilga sig'madi. O'sha ikki uchrashuvni ko'rish yana ortga surildi. Biroq bundan afsuslanmadik. Yo'q, bizdagi bunday kechinma o'sha ikki bahsni «Futbol-1» va «Futbol-2» qayta-qayta namoyish etishini bilganimiz va bu uchrashuvlarni tomosha qilish imkoni mavjudligidan emas aslo. Yuqorida aytganimizdek, biz uchun insoniylik boshqa barcha jihatlardan balandroqdir. Milliy chempionatimizda faoliyat yuritayotgan murabbiylar, futbolchilar, Messi va Ronalduga tarafkashlik qilib, bir-birini qiynayotgan muxlislar ham bu masalaga yuqoridan turib qarashlarini xohlardik. Unutmaylikki, futbol insoniylik poyida yastanib yotgan bepoyonlik va fusunkorlikdir. Mulohazalarimiz avvalida biroz shaxsiy ichki kechinmalarga berilishimizning sababi ham shu. Oliy liga bahslarida nojoiz, shart bo'lmagan qizil kartochkalar soni ko'payib borayotgani, raqiblik chegaralarini buzayotgan insoniylikka zid ayovsizlik ustun kelayotgani g'oyat tashvishlanarli holdir.
Ayni chog'da yana bir muhim mavzu bizni o'yga toldirmoqda. Gap shundaki, Iskandar Hamroqulov «Real» muxlisi - «Tal'at aka - fanat aka» timsolida muxlislar o'rtasida anchagina ommalashdi. San'at nuqtai-nazaridan uning izlanishlari tahsinga sazovor. San'at - hayotdagi muhim voqelikning badiiy in'ikosi. Shu ma'noda Iskandar Hamroqulov milliy axborot makonida e'tibordan chetda qolayotgan mavzuga qo'l urganki, buni faqat olqishlash lozim. Bizning futbol muhitimizda «Real» va «Barselona» muxlislari o'rtasidagi ziddiyat ayrim hollarda aqidaparastlik darajasiga ko'tarilayotgani va futbol borasida sog'lom mulohaza yuritishga to'siq bo'layotgani fakt. Masalan, «Real» EChL doirasida «Volfsburg»ni ajoyib tarzda mag'lub etib, har 3ta golni Ronaldu urganida, gazetamizning birinchi sahifasida uni daho yorlig'i bilan maqtadik.
Hattoki, butun «Real» o'rniga Krishtianuni qo'ydik: Ronaldu - «Volfsburg» - 3:0. «Barselona» muxlislari esa bundan qattiq ranjishdi. «Gol urolmaslarga Suaresdan salom!» sarlavhasi esa «Real» muxlislariga yoqmadi. Holbuki, har ikki holatda ham sarlavhalar faktlardan kelib chiqib qo'yilgandi va ularni qabul qilolmaslik aslida futbolga nisbatan noxolislikdir. Yana bir bor ta'kidlaymiz: futbol bepoyonlik va fusunkorlikdir. «Real» va «Barselona» shu ulkanlik va go'zallikni bir qismi, xolos.
Iskandar Hamroqulov shunga ishora qilmoqda va ko'r-ko'rona «tarafkashlik» ustidan kulmoqda. Kosa ostidagi nimkosani tushunmaganlar esa boshqacha xayollarga bormoqdalar. Balki Iskandar izlanishlarini davom ettirib, hangomalariga «Paxtakor» va «Buxoro» yoki yirik hisobli g'alabadan quvonayotgan «Navbahor» muxlisi obrazini olib kirar. Ehtimol, shunda muxlislar uni mashhur «fanat» - Ergash Karimovning chinakam vorisi sifatida e'tirof etishar... Hozirgi holatda Hamroqulov hangomalarida bir yoqlamalik sezilyapti, chog'i.
Davomi InterFUTBOL gazetasi blogida.
— deya xabar beradi uff.uz nashri.
Idman va VarzishSport xizmatidan foydalanganlar u qadar qiynalishmadi. Zero, bu telekanallar asosiy ekranda «Granada»-«Barselona» bahsini, uning bir burchagida esa «Deportivo»-«Real» o'yinini namoyish etishdi. «Futbol-1» «Barselona», «Futbol-2» esa «Real» muxlislari istaklarini qondirdi. O'ta qiziquvchan muxlislar hattoki, 2ta televizorni yonma-yon qo'yib olishdi. Endi ma'lum bo'lishicha, mazkur uchrashuvlar va «Kelin» serialining parallel kelib qolishi oqibatida bir qancha xonadonlarda kelishmovchiliklar ham yuz beribdi... Xullas, katta futbol marafonining marrasi shunday maroqli voqealarga boy kechdi.
Qaysidir muxlisda «Xo'sh, o'zingiz qanday yo'l tutdingiz?» qabilida savol tug'ilishi tabiiy. To'g'risi, hech bir ikkilanishsiz «Bunyodkor»-«Buxoro» uchrashuvini oxirigacha kuzatdik. Nega? Chunki milliy chempionatimiz doirasidagi bahsni Sport telekanali orqali to'g'ridan-to'g'ri tomosha qilish zavqidan bebahra qolishni istamadik. Yo'q-yo'q, hech bir istehzo emas bu. Ana, «Lokomotiv»-«Paxtakor» o'yinini tun yarmida namoyish etishdi. Vaqtni aniq bilmaganimiz bois, g'aflatda qolibmiz.
Muhim bahs ertasiga takroran berilganida esa, «Kim ediku kim bo'ldik, ertaga qanday yuksak marralarni egallashimiz kerak?» mavzusidagi targ'ibot tadbirlariga jo'nab ketgandik. Qisqasi, shunday muhim uchrashuvni o'z vaqtida tomosha qilish imkoni topilmadi. Bunga kim aybdor? Albatta, o'zimiz. Butun boshli telekanal aybdor bo'lmaydi-ku?! Hammasi beparvolik yoki ishonuvchanlikning salbiy oqibati. TV dasturda o'zgarish qilinishini nazarda tutganimizda, shuncha gap-so'zga o'rin qolmasdi. Xunobimiz oshganini ko'rgan bir hamkasbimiz «Lokomotiv»-«Paxtakor» uchrashuvi yozilgan fleshkasini qo'limizga tutqazar ekan, asta shivirladi: «Poytaxtdagi bahslar to'g'ridan-to'g'ri efirga uzatilsa, stadionda muxlislarning soni kamayib ketarmish. Chunki muxlislar stadionga tushmay, sevimli jamoalari ishtirokidagi uchrashuvlarni uyda xotirjam holda, teleekran orqali tomosha qilisharmish...».
Ol-a, endi bunisi ortiqcha. Hamkasbimizning soddaligidan bosh chayqadik. Sport telekanalidagilar bunchalar sodda emaslar. Ular to'g'ridan-to'g'ri efirning stadionga muxlislar tashrifiga mutlaqo ta'siri yo'qligini juda yaxshi bilishadi. Poytaxtda bo'lib o'tadigan bir necha uchrashuv to'g'ridan-to'g'ri efirga uzatilmasligining bizga nomalum sabablari bordir balki. Tashqaridan turib, gapirish oson. Shundoqqina yonida bo'layotgan bahsni to'g'ridan-to'g'ri efirga uzatishni qaysi sport kanali istamaydi? Xokkey bo'yicha jahon chempionatidagi zerikarli uchrashuvni sharhlayotgan jurnalist xayolida ham milliy chempionatimizning muhim uchrashuvlari turganiga ishonchimiz komil. Bir necha bahslar to'g'ridan-to'g'ri efirga uzatilmadimi, demak, qandaydir nomuvofiqlik, noqulaylik yuz bergani aniq. «Bunyodkor»-«Buxoro» uchrashuvining to'g'ridan-to'g'ri translyatsiya qilingani - fikrimiz isboti.
Ongu-shuurimiz shunday mulohazalar bilan band bo'lib turgan bir pallada to'g'ridan-to'g'ri efirga uzatilayotgan «Bunyodkor»-«Buxoro» bahsini oxirigacha kuzatmasligimiz, «Nari tur, evrofutbol!» demasligimiz, shunday deyishga kuchimiz etmasligi adolatdan sanalmasdi. Shukrki, ichimiz qanchalar qizisada, o'sha bahslarga qiziqsakda, bunga kuchimiz etdi. Uchrashuv yakunlangach ham «Futbol-1» yoki «Futbol-2»ga ulanishga shoshilmadik. Qadrdonlarimiz Musulmon va Mahmud Namozovning Surxon safariga bag'ishlangan ko'rsatuvini ham tomosha qilishimiz shart edi. «Madaniyat va ma'rifat» telekanalining bu noodatiy ko'rsatuvi evrofutbolning natijasini avvaldan taxmin qilish qiyin bo'lmagan ikki muhim uchrashuvidan ustun keldi.
Yo'q, fikrimizcha, bu hol futbolga nisbatan hurmatsizlik hisoblanmaydi. Insoniy munosabatlar shunchaki, ba'zan barcha o'yinlarni, shu jumladan, futbolni ham engadi. Bu orada ustoz Temur To'raboev birodarimiz, taniqli ijodkor Bahodir Murod Ali vafot etgani haqidagi mash'um xabarni etkazdi. Futbol ortiq ko'ngilga sig'madi. O'sha ikki uchrashuvni ko'rish yana ortga surildi. Biroq bundan afsuslanmadik. Yo'q, bizdagi bunday kechinma o'sha ikki bahsni «Futbol-1» va «Futbol-2» qayta-qayta namoyish etishini bilganimiz va bu uchrashuvlarni tomosha qilish imkoni mavjudligidan emas aslo. Yuqorida aytganimizdek, biz uchun insoniylik boshqa barcha jihatlardan balandroqdir. Milliy chempionatimizda faoliyat yuritayotgan murabbiylar, futbolchilar, Messi va Ronalduga tarafkashlik qilib, bir-birini qiynayotgan muxlislar ham bu masalaga yuqoridan turib qarashlarini xohlardik. Unutmaylikki, futbol insoniylik poyida yastanib yotgan bepoyonlik va fusunkorlikdir. Mulohazalarimiz avvalida biroz shaxsiy ichki kechinmalarga berilishimizning sababi ham shu. Oliy liga bahslarida nojoiz, shart bo'lmagan qizil kartochkalar soni ko'payib borayotgani, raqiblik chegaralarini buzayotgan insoniylikka zid ayovsizlik ustun kelayotgani g'oyat tashvishlanarli holdir.
Ayni chog'da yana bir muhim mavzu bizni o'yga toldirmoqda. Gap shundaki, Iskandar Hamroqulov «Real» muxlisi - «Tal'at aka - fanat aka» timsolida muxlislar o'rtasida anchagina ommalashdi. San'at nuqtai-nazaridan uning izlanishlari tahsinga sazovor. San'at - hayotdagi muhim voqelikning badiiy in'ikosi. Shu ma'noda Iskandar Hamroqulov milliy axborot makonida e'tibordan chetda qolayotgan mavzuga qo'l urganki, buni faqat olqishlash lozim. Bizning futbol muhitimizda «Real» va «Barselona» muxlislari o'rtasidagi ziddiyat ayrim hollarda aqidaparastlik darajasiga ko'tarilayotgani va futbol borasida sog'lom mulohaza yuritishga to'siq bo'layotgani fakt. Masalan, «Real» EChL doirasida «Volfsburg»ni ajoyib tarzda mag'lub etib, har 3ta golni Ronaldu urganida, gazetamizning birinchi sahifasida uni daho yorlig'i bilan maqtadik.
Hattoki, butun «Real» o'rniga Krishtianuni qo'ydik: Ronaldu - «Volfsburg» - 3:0. «Barselona» muxlislari esa bundan qattiq ranjishdi. «Gol urolmaslarga Suaresdan salom!» sarlavhasi esa «Real» muxlislariga yoqmadi. Holbuki, har ikki holatda ham sarlavhalar faktlardan kelib chiqib qo'yilgandi va ularni qabul qilolmaslik aslida futbolga nisbatan noxolislikdir. Yana bir bor ta'kidlaymiz: futbol bepoyonlik va fusunkorlikdir. «Real» va «Barselona» shu ulkanlik va go'zallikni bir qismi, xolos.
Iskandar Hamroqulov shunga ishora qilmoqda va ko'r-ko'rona «tarafkashlik» ustidan kulmoqda. Kosa ostidagi nimkosani tushunmaganlar esa boshqacha xayollarga bormoqdalar. Balki Iskandar izlanishlarini davom ettirib, hangomalariga «Paxtakor» va «Buxoro» yoki yirik hisobli g'alabadan quvonayotgan «Navbahor» muxlisi obrazini olib kirar. Ehtimol, shunda muxlislar uni mashhur «fanat» - Ergash Karimovning chinakam vorisi sifatida e'tirof etishar... Hozirgi holatda Hamroqulov hangomalarida bir yoqlamalik sezilyapti, chog'i.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
447