O'zbekiston Milliy paralimpiya assotsiatsiyasi Amerika Qo'shma Shtatlarining O'zbekistondagi elchixonasi bilan hamkorlikda mamlakatimizda paralimpiya harakatini yanada keng rivojlantirish hamda Paralimpiya o'yinlari dasturiga kiritilgan sport turlarini yanada ommalashtirish maqsadida amerikalik mashhur mutaxassislar ishtirokida mahorat saboqlarini tashkil qildilar.
Mahorat saboqlari sportning triatlon va engil atletika turlari bo'yicha tashkil etilgan bo'lib, Toshkent hamda Andijon shaharlarida o'tkazilyapti.
Mamlakatimiz sportchi va murabbiylarining nazariy va amaliy bilimlarini yanada mustahkamlash maqsadida tashkil etilgan mahorat saboqlariga amerikalik etakchi sport mutaxassisi Merikeyt Kallaxan va engil atletika bo'yicha murabbiy Jon Rejister boshchilik qilishmoqda.
Shavkat Jalilov
O'zbekiston Milliy Olimpiya qo'mitasi matbuot xizmati
— deya xabar beradi uff.uz nashri.