Lui van Gaal jurnalistlarga "hammasi tugadi", deganda klubdan ketishiga ishora qilgandi. Uning o'rniga Joze Mourino kelmoqda. "MYu" rahbariyati unga transferlar uchun 200 million funt ajratadi. Xo'sh, portugaliyalik murabbiy Manchesterga kelsa, jamoada qanday o'zgarishlar kuzatiladi? Kimlar ketadiyu, kimlar keladi? Shu haqda ozgina fikr yuritamiz. Ketishi kutilayotganlar Xuan Mata Bu klubni tark etadiganlar ro'yxatida birinchi o'rinda turgan futbolchi. Chunki Mata va Mourino "Chelsi"da birga ishlab ko'rgan, keyinchalik Xuan Londondan Manchesterga ko'chib o'tgandi. Agar Mour kelsa, Mataning klubni tark etish ehtimoli yuqorilab ketadi. Markos Roxo Bu murabbiylik uslubiga mos kelmagani uchun emas, shunchaki Roxo yaxshi saviyaga ega emas. Mourinoning unga ishonishiga mutaxassislar ishonmayapti. To'g'ri, Markos hali yosh, ammo klubning kutib turishga vaqti yo'q. Adnan Yanuzay Belgiyalik futbolchi tez porlab, tez so'ngan yulduz futbolchilar toifasiga kiradi. Bunga sabab, albatta, Devid Moyes va Lui van Gaaldir. Lekin uning o'ziga ham bog'liq. Mourino u bilan ishlamasa kerak. Chunki u tavakkal qilishni istamaydi. Morgan Shnayderlin O'tgan mavsumda 25 million funt evaziga "Manchester Yunayted" jamoasiga qo'shilgan Morgan yorqin o'yin namoyish etolmadi. Barqaror harakat qilish uchun imkoniyat topolmadi. Undan ko'ra, Maykl Kerrik ishonchliroq o'ynadi. Shuning uchun u ham klubdan ketishi mumkin. Memfis Depay Yana bir omadsiz futbolchi. Uning harakatlarini Ronalduga qiyoslashgandi. To'g'ri, uning maydondagi harakatlari yaxshi, lekin barqaror emas. Balki doimiy o'yin amaliyoti yo'qligi uchundir. Har holda Depay ham jamoadan ketishi mumkin bo'lgan futbolchilardan. Rayan Giggz Ha, u ham ketishi mumkin. Chunki bu haqda zo'i aytgan. Giggz klubda uch yildan ortiqroq yordamchi murabbiylik qildi. Unga to'liq ishonishlarini kutdi. Lekin rahbariyat Mourinoni olib kelmoqda. Endi Rayan o'ziga boshqa ish qidiradi. Kelishi kutilayotganlar Rafael Varan Joze Mourino birinchi navbatda "MYu" himoyasini kuchaytirishi tabiiy. Shuning uchun o'zi birga ishlagan "Real" Madrid himoyachisi Rafael Varan Manchesterga kelib qolishi ehtimoldan yiroq emas. Agar shunday bo'lsa, "MYu" himoyasida o'zgarish kuzatiladi. Davomi ushbu havolada.
— deya xabar beradi uff.uz nashri.