O'zbekiston Professional Futbol Ligasining 10-turi doirasidagi “Nasaf” – “Bunyodkor” uchrashuvi shubhasiz navbatdagi turning markaziy uchrashuvi bo'ladi.

Bugun 10-tur uchrashuvlarini boshqaradigan hakamlar nomi ma'lum bo'ldi. Qarshida bo'ladigan “Nasaf” – “Bunyodkor” uchrashuvini bosh hakam sifatida Buxoro shahridan FIFA hakami Ilgiz Tantashev boshqaradi.

Ilgiz Tantashevga qanotlarda toshkentlik hakam Ma'mur Saidqosimov va Toshkent viloyatidan Andrey Tsapenkolar yordam berishadi.
Uchrashuvda zaxira hakami sifatida nukuslik Isxah Ibragimov ishlaydi.

Hakamlar ishini Aleksandr Popov baholab boradi. Toshkent shahridan.

Uchrashuvga O'zbekiston PFL vakili sifatida Farxod Magometov tashrif buyuradi.

O'zPFL 10-tur.
“NASAF” (Qarshi) – “BUNYoDKOR” (Toshkent)
28.05.2016. “Markaziy” stadion. Soat 19:30da
Bosh hakam: Ilgiz Tantashev (Buxoro)
Qanot hakamlari: Ma'mur Saidqosimov (Toshkent), Andrey Tsapenko (Toshkent vil.)
Zaxira hakami: Isxah Ibragimov (Nukus)
Nazoratchi: Aleksandr Popov (Toshkent)
O'zPFL vakili: Farxod Magometov.

Ilgiz Tantashev bundan avval 11 aprel kuni bo'lib o'tgan O'zPFL 4-turida "Nasaf" ishtirokidagi “Paxtakor”ga qarshi uchrashuvni ham boshqargan.
— deya xabar beradi uff.uz nashri.