Germaniya chempionatida ishtirok etayotgan futbolchilar o'rtasida o'tkazilgan so'rovnomaga ko'ra Dortmundning "Borussiya" klubi yarim himoyachisi Genrix Mxitaryan o'tgan mavsum yakuniga ko'ra bundesliganing eng yaxshi futbolchisi deb topildi.
So'rovnomada 235 nafar futbolchi ishtirok etgan. Ularning 31,1 foizi Armaniston terma jamoasi futbolchisiga ovoz bergan. Ikkinchi o'rinda esa "Bavariya" hujumchisi Roberto Levandovski 21,1 foiz ovoz bilan joylashgan bo'lsa, uchinchi o'rin 13,6 foiz ovoz to'plagan Tomas Myullerga tegishli bo'lib turibdi.
Eslatib o'tamiz, o'tgan mavsum Genrix Mxitaryan Germaniya chempionatida 31 uchrashuvda 11 ta gol urib, 18 ta golli uzatmani amalga oshirgan.

— deya xabar beradi uff.uz nashri.