Madridning “Real” jamoasi hujumchisi Krishtianu Ronaldu kecha klub mashg'ulotida oyog'ining son qismini shikastladi va mashg'ulotni muddatidan avval tark etgandi. Bugun o'tkazilgan mashg'ulotda esa 31 yoshli futbolchi qatnashdi va o'rtacha rejimda mashq qildi. Uning kecha olgan jarohati jiddiy bo'lib chiqmadi. Qayd etish kerakki, Krishtianu Ronaldu EChLning joriy mavsumda 11 ta uchrashuv o'tkazib, 16 ta gol kiritishga muvaffaq bo'lgan. 28 may sanasida “Real” EChL finalida “Atletiko”ga qarshi bahs olib boradi. Uchrashuv Milan shahridagi “San-Siro” stadionida bo'lib o'tadi. 
— deya xabar beradi uff.uz nashri.