Kecha 28 may kuni Andijon shahridagi "Sog'lom avlod" o'yingohida O'zbekiston XXV Milliy chempionatining 10-turidan o'rin olgan uchrashuv bo'lib o'tdi. Unda mahalliy "Andijon" hamda G'uzorning "Sho'rtan" futbol klublari o'zaro maydonda kurash olib borishdi. Uchrashuv kuchli yomg'ir ostida boshlandi.   Shu kuni mezbonlarning serbiyalik hujumchisi Nemanya Yovanovich raqib himoyachilari uchun haqiqiy "bosh og'rig'i" bo'ldi.   Mazkur uchrashuvda mezbonlar muhlislari ko'z oldida g'alaba qozonishga astoydil harakat qilishdi. "Sho'rtan" klubi tarkibida harakat qilgan Laziz Ubaydullaev jamoasining g'alabasiga munosib hissa qo'shdi.   O'yinni jahonning eng yaxshi hakami - Ravshan Ermatov oqilona va tenglik asosida boshqarib borganligini alohida ta'kidlash lozim.   Qiziqarli kurashlarga boy bo'lgan uchrashuvda "Sho'rtan" klubi futbolchilari 1-3 hisobida g'alaba qozonishdi. Uchrashuvdan so'ng esa odatdagidek har ikkala jamoa bosh murabbiylari ishtirokida matbuot anjumani o'tkazildi.    Baxtiyor TOShTEMIROV
— deya xabar beradi uff.uz nashri.