“Nyu-York Siti” jamoasi yarim himoyachisi Andrea Pirlo Italiya termasining Evro–2016 musobaqasi uchun kengaytirilgan tarkibiga kiritilmaganidan afsusda emasligini aytdi. “Murabbiy bilan aloqada bo'lib turgandik, shu sababli voqealar rivojidan xabardor edim. Men umuman afsusda emasman. Murabbiy bilan doimo muloqotda bo'lganim uchun va qaror har ikki tomonning kelishuvi orqali amalga oshishi tufayli termaga chaqirilmasligimni bilgandim. Bosh murabbiy terma uchun eng yaxshi variantni ko'zlaydi, shuning uchun uning qarorini hurmat qilaman. Italiya termasiga Evropa chempionatida oson bo'lmaydi. Shunday bo'lsa-da, hamyurtlarimga omad tilab qolaman”, – dedi Pirlo. 
— deya xabar beradi uff.uz nashri.