Polsha politsiyasiga noma'lum kishi tomonidan ma'lumotnoma yuborildi va unda "Bavariya" klubi hamda Polsha terma jamoasi hujumchisi Robert Levandovski "jamoat tadbirlari xavfsizligi" qoidalarini buzgani xabar qilindi.
Levandovski Evropa chempionati saralash bahsida Irlandiya 2:1 hisobida mag'lub etilib, yo'llanma qo'lga kiritilgach, shampan vinosidan bir necha qultum tatib ko'rgani aytilgan. Eslatib o'tamiz, o'sha uchrashuvda Levandovski gol kiritgan va jamoasiga g'alaba keltirgan edi.
Polsha qonunchiligiga ko'ra jamoat tadbirlari vaqtida 3,5 foizdan ko'proq alkogolga ega bo'lgan ichimlik ichish ta'qiqlangan. Levandovskining agenti esa o'z intervyusida mijozi bu ishga u qadar katta e'tibor qaratmasligini bildirgan.
— deya xabar beradi uff.uz nashri.