“Yuventus” jamoasi yarim himoyachisi Pol Pogbaga Evropa grandlari tomonidan bo'lgan qiziqish tobora otib bormoqda. Biroz avval “Real” hujumchisi Krishtianu Ronaldu frantsiyalik futbolchini sotib olishni madridliklar prezidentidan so'ragani xabar qilingandi. The Sun nashrining ma'lum qilishicha, “MYu” sobiq futbolchisi uchun kurashga qo'shildi. Mankunianlar Pogba uchun 60 mln funt taklif qilmoqchi. Agar transfer amalga oshsa, u klub tarixidagi eng qimmat xaridga aylanadi. 2014 yilda “Real”dan 59,7 mln funt evaziga “MYu”ga o'tgan Anxel Di Mariya hozircha “qizil iblislar” tarixidagi eng qimmat xarid bo'lib turibdi. Avvalroq 23 yoshli futbolchi Barselona shahrida uy sotib olganligi xabar qilingandi. Eslatib o'tamiz, Pol Pogba 2009-2012 yillarda “MYu” sharafini himoya qilgan. Keyin esa u “Yuventus”ga o'tib ketgandi. 
— deya xabar beradi uff.uz nashri.