“Bavariya” jamoasi bosh murabbiyi Karlo Anchelotti klub yarim himoyachisi Xabi Alonso maydonda sekin harakat qilishini yashirmadi. “Haqiqatdan ham Alonso maydonda sekin harakat qiladi. Ammo men ham shunday bo'lganman. Asosiysi futbolchi to'p bilan tezkor muomala qilib, kombinatsiyalar yaratishi kerak. Bu borada esa Xabi eng yaxshilaridan biri. Men Alonsoga ham inson, ham futbolchi sifatida ishonch bildiraman”, – dedi italiyalik mutaxassis. Avvalroq myunxenliklar ispaniyalik yarim himoyachi bilan shartnomani uzaytirish borasida muzokaralar olib borgandi. Alonsoning amaldagi kelishuvi 2017 yilning yoziga qadar mo'ljallangan. 
— deya xabar beradi uff.uz nashri.