“Qo'qon-1912” o'rinbosarlari Yoshlar ligasi doirasida “Neftchi” yoshlari bilan o'zaro bahs olib borib, 2:1 hisobida g'alaba qozondi. 2-daqiqada Muhammadanas Hasanov hisobni ochishi mumkin edi. Hujumchimiz darvozabon bilan birga-bir vaziyatga chiqib bordi. Uning zarbasini Abdujalilov qaytarib qoldi. 4-daqiqa endi “Neftchi” futbolchisi Abdurahmon Abdulhaqov darvozabon bilan yakkama-yakka chiqib bordi. Abdullaev o'z o'rnida. 17-daqiqada hisobni ochish uchun yaxshi imkoniyatga ega bo'ldik. Katta tezlikda jarima maydonchasiga kirib borgan Muhammadanas Hasanovni “Neftchi” himoyachilari qo'pollik bilan to'xtatib qolishdi. Hakam bu vaziyatga yaqin turgani bois, hech ikkinlanmay penalti belgiladi. O'n bir metrli nuqtaga yaqinlashgan Shoxrux Xolmatovning zarbasini “Neftchi” posboni qaytarib qoldi. Shoxruxning takroriy zarbasi esa darvoza to'siniga tegdi. 30-daqiqada hisob ochildi.  “Neftchi” futbolchisi Xurshid Asqaraliev jarima to'pini qoyilmaqom tarzda ijro etdi – 0:1. 36-daqiqada Muhammadanas Hasanov raqib xatosida foydanalib hisobni tenglashtirdi. Birinchi bo'lim durang natija bilan intiho topdi. Ikkinchi taymni vakillarimiz faollik bilan boshlashdi. Raqib darvozasi oldida bir qator xavfli vaziyatlarni vujudga keltirgan Muhsin Nizomiddinov shogirdlari 70-daqiqada Muhammadanas Hasanovning uzoq masofadan bergan aniq zarbasi orqali oldinga chiqib olishdi. Butun o'yin davomida Muhammadanas o'zining faolligi bilan jamoadoshlaridan alohida ajralib turganini ta'kidlash joiz. 85-daqiqa Doston Meliqo'zievda yaxshi imkoniyat vujudga keldi. Biroq uning boshi bilan bergan zarbasi biroz noaniq ko'rinish hosil qildi. Taym oxirida mehmonlar harchand o'rinmasin, hisobni o'zgartira olishmadi. Shu tariqa, o'rinbosarlarimiz kichik derbida g'alaba qozonishdi. Yoshlar ligasi, 26-tur “Qo'qon-1912” – “Neftchi”  – 2:1 (1:1) Hakamlar: D. Karimov, Sh. A'zomov, R. Tolibjonov, N. Toshmatov. Gollar: Muhammadanas Hasanov 35, 70. – Xurshid Asqaraliev 30. “Qo'qon-1912”:  30. Islom Abdullaev, 5. Ibrohim G'ofurov, 9. Doston Meliqo'ziev, 10. Abror Rahmonov, 11. Nodir Yo'ldoshev, 18. Shoxrux Xolmatov, 22. Muhammadanas Hasanov, 23. Mirjalol Qurbonov, 27. Ismoil Oxunjonov, 28. Abdullox Olimov, 49. Dilshod Baratov. Zaxira: 1. Ruslan Matniyazov, 4. Doniyor Tulashev, 6. Mirto'ra Akbarov, 11. Abduqahhor O'ktamov, 15. Sardor Isaqov, 17. Ibrohim Usmonov, 88. Ibrohim Muxtorov. “Neftchi”: 35. Abdumavlon Abdujalilov, 6. Abror Ismoilov, 10. Xurshid Asqaraliev, 14. Elamon Karimov, 17. Abdurahmon Abdulhaqov, 18. Shodiyor Hojimatov, 20. Otabek Muhammadjonov, 28. Abdujamol Isroilov, 29. A'zam Xolmatov, 39.Mirjamol Ne'matov, 90. Anvar Aminjonov. Zaxira: 45. Abdusattor Obidov, 7. Sarvar Abdullaev, 9. Abduqodir Artiqov, 11. Damir Nizanov, 22. Islom Toshpo'latov, 24. Husanboy G'aniev, 32. Mo'min Mamurjonov.
— deya xabar beradi uff.uz nashri.