Sports.ru saytidagi «Uzbekskaya kuxnya» blogining bu galgi maqolasi Rossiya va O'zbekiston futbolidagi o'ziga xos tafovutlarga bag'ishlandi. Muallif qiziq savolni o'rtaga tashlab, unga tegishli javob topishga urindi. Demak, ushbu mavzu doirasidagi fikrlarga qiziqib ko'ramiz. Qiziq savol. Agar «O duxe vremeni» blogi mualliflari bo'lishmaganda, bunday savolga hojat qolmasmidi... Yaqinda ushbu blogda «Rossiya termasidan yuqoridagi 7ta g'alati jamoa va Kongo» sarlavhali maqola chiqdi. Unda FIFA reytingida Rossiya milliy jamoasini ortda qoldirishi kutilgan 8ta jamoaning fotosuratlari va qisqa izoh keltirilgan. Balki, yigitlar «g'alati» so'zini yomon niyatda ishlatishmagandir. Biroq matnni terayotgan muallif ushbu jumlalar orqali Rossiya termasining alomatlilik bobida qolishmasligini namoyon etishi mumkinligini o'ylamadimikan? quyidagi tahlil orqali aslida nima demoqchi bo'lganimizni anglashingiz mumkin. Rossiya futboli g'alatiroq ekaniga sabab Rahbariyat O'FF prezidenti Mirabror Usmonov Vitaliy Mutko singari, ikkita yirik tashkilotni boshqarmoqda: mamlakat futbol federatsiyasi va O'zbekiston Milliy Olimpiya qo'mitasi. Mirabror Usmonov boshchiligida o'zbek futbolida nimalar ro'y berdi: O'zbekiston termasi FIFA reytingida kuchli 50ta davlat orasidan o'rin egalladi, ikkinchi marta jahon chempionatiga chiqishga asosiy da'vogarlardan biri bo'lib turibdi. Bolalar va yoshlar futboli isloh qilindi, mamlakatning turli hududlarida bolalar maydonchalari barpo etildi, oliy liga klublari yangi stadionlarga ega bo'lishdi. Federatsiya prezidenti 2011 yili FIFAning Fair Play uchun atalgan sovrinini qabul qilib oldi. Vitaliy Mutko boshchiligida Rossiya futbolida nimalar ro'y berdi: Rossiya termasi Evropa chempionatida omadsiz qatnashdi, guruhda qolib ketdi. Evrodan keyin instagramdagi mojarolar boshlandi. Legionerlar uchun joriy etilgan limit. Yaqinda Tagankadagi futbol uyida o'tkazilgan prezidentlik saylovlarida esa Mutko foydasiga nomzodlikning qaytarib olinishi haqiqiy tomoshaga aylandi. Mirabror Usmonov boshchiligida o'zbek sporti nimalarga erishdi: O'zbekiston Milliy Olimpiya qo'mitasida yangi rahbar ish boshlaganidan keyingi dastlabki Olimpiada o'zbek delegatsiyasi uchun muvaffaqiyatli kechdi. Mahalliy sportchilar to'rt yillikning yirik musobaqasidagi natijalarini yaxshilashdi: 4ta oltin, 2ta kumush, 7ta bronza - jami 13ta medal. Bunaqasi o'zbek sporti tarixida uchramagan. Natijada, O'zbekiston 21-o'rinni band etgan holda, umumjamoa hisobida qozog'iston, Shveytsariya va Ukraina singari mamlakatlarni ortda qoldirdi. Vitaliy Mutko boshchiligida Rossiya sporti nimalarga erishdi: Rossiya Olimpiya qo'mitasi doping mojarolari tufayli sport jamoatchiligi bosimi ostida qoldi. Butun mamlakat Olimpiya o'yinlaridan chetda qolishi mumkin edi. Sport vaziri sifatida Mutko o'z vazifalarini ko'ngildagidek bajara olmadi, bu yo'lda zarur choralarni qo'llay bilmadi. Davomi Interfutbol.uz saytida.
— deya xabar beradi uff.uz nashri.