Madridning “Real” klubi jamoa yarim himoyachisi Lukas Vaskes bilan shartnomasini uzaytirdi. Yangi kelishuvga ko'ra, Ispaniya terma jamoasi a'zosi 2021 yilgacha “qirollik klub” sharafini himoya qiladi.
Uning klub bilan tuzgan oldingi shartnomasi 2020 yilgacha mo'ljallangan edi. Ispan OAVning tarqatgan xabariga ko'ra, 25 yoshli futbolchining maoshi ham sezilarli darajada oshgan.
Vaskes bu mavsum La Ligada 7 uchrashuvda maydonga tushib, 2 golli uzatmaga mualliflik qilgan.
— deya xabar beradi uff.uz nashri.