Angliya Premer-ligasi 10-turidan o'rin olgan “Sanderlend” va “Arsenal” jamoalari o'rtasidagi o'yin o'z yakuniga etdi. Unda 1:4 hisobi qayd etilib, “to'pchilar” foydasiga hal bo'ldi. Uchrashuvning 19-daqiqasida Aleksis Sanches hisobni ochdi. 65-daqiqada Jermeyn Defo penaltidan gol urib, muvozanatni tikladi. Ammo ko'p o'tmay 69-daqiqada zaxiradan maydonga tushgan Olive Jiru 71 va 76-daqiqalarda o'z nomini tabloga yozdirib qo'ydi. O'yindagi so'nggi golni Sanches 78-daqiqada kiritdi. Shunday qilib, “Arsenal” hozircha 23 ochko bilan birinchi o'ringa chiqib qoldi. Angliya chempionati, 10-tur
Sanderlend – Arsenal 1:4
Gollar: 0:1 – 19 Sanches, 1:1 – 65, penalti Defo, 1:2 – 71 Jiru, 1:3 – 76 Jiru, 1:4 – 78 Sanches.
Sanderlend – Pikford, Kone, van Anxolt, Djons, O′Shi (Djilobodji, 42), Pienar (Yanuzay, 70), Roduell, Ndong, Uotmor, Xazri, Defo.
Arsenal – Chex, Mustafi, Gibbs, Belerin, Koselni, Ozil, Oksleyd-Chemberlen (Remzi, 77), Sanches, El-Nenni, Ivobi (Jiru, 69), Koklen.
Ogohlantirishlar: Xazri (30), Ndong (33), Pienar (41), Djilobodji (48), Chex (64), Sanches (66), Gibbs (80).
— deya xabar beradi uff.uz nashri.