Evropa Chempionlar ligasi musobaqasining guruh bosqich 4-turidan o'rin olgan “Legiya” – “Real” uchrashuvi o'z nihoyasiga etdi. Unda 3:3 hisobi qayd etilib, jamoalar murosa ko'chasini tanlashdi. Ushbu natijaga erishgan “Legiya“ so'zsiz sensatsiya qayd etdi desa ham bo'ladi. Duyoning eng yaxshi klublaridan biriga mag'lub bo'lmaslik – katta muvaffaqiyat. Qolaversa, jamoa hatto g'alaba qozonishi ham mumkin edi. Mezbonlar o'yinning ilk daqiqasidayoq Beyldan, keyin esa Benzemadan gol o'tkazib yuborib, 0:2 hisobida ortda qolishayotgandi. “Real“ vakillari shu bilan o'yin yakunlandi, degan xulosa kelgan bo'lsalar ajab emas. Shunday bo'lsada, “Legiya“ Ojija-Ofoe, Radovich va Mulenlarning gollaridan so'ng 3:2 hisobida ollinga o'tib olgandi va g'alabaga erishishga yaqin turgandi. Biroq, 85-daqiqada Metteo Kovachich tomonidan kiritilgan gol, yakuniy 3:3 hisobi qayd etilishiga sabab bo'ldi. Evropa Chempionlar ligasi
4-tur Legiya Polsha – Real Madrid Ispaniya 3:3 (1:2, 2:1)
Gollar: 0:1 – 1 Beyl, 0:2 – 35 Benzema, 1:2 – 40 Ojija-Ofoe, 2:2 – 58 Radovich, 3:2 – 83 Mulen, 3:3 – 85 Kovachich.
Legiya – Malyaj, Bereshinski, Jeznichak, Pazdan, Gloushek, Kopchinski, Mulen, Gilerme, Odjidja-Ofoe (Yodlovets, 87), Radovich (Priyovich, 77), Nikolich (Kuxarchik, 69).
Real Madrid – Navas, Karvaxal, Varan, Nacho, Koentrau (Asensio, 77), Beyl, Kovachich, Kroos, Morata (Dias, 85), Benzema (Vaskes, 65), Ronaldu.
— deya xabar beradi uff.uz nashri.