O'zbekiston Futbol Federatsiyasi bolalar o'rtasida o'zbek futboli sobiq arbobi  Sergey Artyomovich Aryutunov xotirasiga bag'ishlangan xalqaro turnir tashkil etdi. 2 noyabr kuni start olgan ushbu musobaqa ilk bora o'tkazilyapti. Xalqaro maqomga ega bo'lgan bu turnirda 2005 yilda tavallud topgan bolalardan tashkil topgan 8 jamoa ishtirok etmoqda. Ular – “Bunyodkor” (Toshkent), “Paxtakor” (Toshkent), “Metallurg” (Bekobod”), “Lokomtiv” (Toshkent), SDYuShOR (Qozog'iston), “Qayrat” (Qozog'iston), “Ural” (Rossiya) “Spartak” (Toshkent). Musobaqa 6 noyabrga qadar davom etadi. Ta'kidlash kerakki, O'zbek futboli fidoiylaridan biri — 1922 yilning 15 mart kuni tavallud topgan Sergey Arutyunov 2015 yil, 93 yoshida vafot etgan edi. Arutyunov 1940 yildan boshlab “Dinamo” safida to'p surgan va jamoasi bilan O'zbekiston chempionligi va mamlakat kubogi sohibi bo'lgan. Keyinchalik faoliyatini Toshkentning “Spartak” jamoasida davom ettirgan. Futbolchilik faoliyatini yakunlagach esa avval hakamlik qilan, so'ngra murabbiylik bilan shug'ullangan. Arutyunov 1953 yilda Moskvadagi murabbiylar tayyorlovchi Oliy maktabni tamomlagan. 1956 yilda “Paxtakor” futbol maktabi tashkil qilinib, Arutyunovni u erga ishga taklif etishdi. Ushbu maktab Gennadiy Krasnitskiy, Birodar Abduraimov, Hamid Rahmatullaev, Stanislav Stadnik kabi iste'dodli futbolchilarni tarbiyaladi. 1962 yilda Sergey Aurtyunov “O'zbekistonda xizmat ko'rsatgan murabbiy” unvoniga sazovor bo'lgan. 1998 yilda Frantsiyada bo'lib o'tgan Jahon Chempionatida Sergey Arutyunovga FIFA oltin medali topshirilgan. U, shuningdek, O'zbekiston Futbol Federatsiyasi ko'krak nishoni sohiblaridan biri edi.
— deya xabar beradi uff.uz nashri.