Bugun Qarshi shahrida katta futbol bayrami – “Nasaf” – “Bunyodkor” uchrashuvi bo'ladi. Bugun muxlislar nafaqat chiroyli futbol o'yinini tomosha qilishlari, balki “Nasaf” jamoasining O'zbekiston Kubogini o'z muxlislari oldida nishonlash tadbiri ham o'tkaziladi. Klub marketing bo'limidan olingan ma'lumotlar qaraganda bugungi tadbir so'ngisi bo'lmaydi. Muxlislarning talab-istaklarini inobatga olgan holda O'zbekiston Kubogini qo'lga kiritilishi munosabati bilan yana tadbirlar ishlab chiqilmoqda. Shulardan biri hohlovchi muxlislar kubok yonida istagan futbolchi yoki murabbiy bilan rasmga tushish imkoniga ham ega bo'lishadi. Bu haqda keyinroq batafsil xabar beramiz. Bugun esa oliy liga 27-turi doirasidagi markaziy uchrashuv “Nasaf” jamoasi uchun juda muhim hisoblanadi. Chunki hali ham nazariy jihatdan jamoa uchun chempionlikka davogarlik saqlanib turibdi. Demak, bugungi va bundan keyingi o'yinlar ham xuddi finaldek o'tishiga shubha yo'q. Nasib qilsa, bu yilgi mavsumda vohalik muxlislar qo'shaloq sovrinni ham nishonlashlari mumkin. Shunday ekan, buyog'i endi muxlislarga ham bog'liq, ulardan har qachongidan ko'ra, sevimli “Nasaf” jamoasini qo'llab-quvvatlashlari talab etiladi. “Nasaf” – “Bunyodkor” uchrashuviga marhamat qiling!
— deya xabar beradi uff.uz nashri.