1news.uz — 15 noyabr kuni jahon chempionati saralash doirasidagi Janubiy Koreya – O'zbekiston o'yinidagi natijaga ikki jamoa bosh murabbiylari Uli Shtilike va Samvel Babayanlarning qo'llaydigan taktikasi katta ta'sir o'tkazishi bor gap. Uli Shtilike o'z jamoasining hujum chizig'i zaif ekanligini e'tirof etgan holda tarkibga 8 oylik tanaffusdan keyin yana  “Ulsan” jamoasining 186 smli bo'ydor hujumchisi Li Jong Xyobni jalb qilishi  koreyalik “Sport News” nashrining keskin tanqidiga  uchradi. “O'z taqdiri hal bo'ladigan O'zbekistonga qarshi o'yinga Key-ligada 18 ta gol kiritgan holda to'purarlar ro'yxatini boshqarayotgan Chong Cho Kuk (“Gvangju”)ni emas, Key-liganing bu mavsumida 29 o'yinda atigi 4 ta gol kiritgan Li Jong Xyobni jalb etganligi tushunarsiz”, – deb yozadi sport  nashri. Shu o'rinda, Samvel Babayan ham Oliy ligada 21 ta gol bilan to'purarlar bahsida karvonboshilik qilayotgan “Lokomotiv” hujumchisi Temurxo'ja Abduholiqovni terma jamoaga jalb qilmay kelayotganligi borasida o'zbek muxislari e'tiroz bildirib kelayotganligini ta'kidlash mumkin. Shtilike bu ayblovlarga o'ziga xos tarzda javob qaytardi. “Menda “A” va “B” rejalar bor. Li Jong Xyob “A” rejam. Kim Shin Uk (bo'yi 197 sm ni tashkil etadi) esa “B” rejam. Kim Shin Uk Eronga qarshi o'yinda sust harakat qildi. Lekin Qatar bilan o'yinda yaxshi o'ynadi. Ko'p to'p kiritish doim g'alaba degani emas. Mening futbol falsafam sal boshqacha. Ya'ni, to'pni ko'proq nazorat qilish va imkoniyatlar yaratish”, – ta'kidladi nemis mutaxassisi. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.