“Yuventus” klubining o'ng qanot himoyachisi Stefan Lixtshtayner faoliyatini “Barselona”da davom ettirishi mumkin. O'z navbatida Aleysh Vidal esa “Inter” safini to'ldiradi.
Lixtshtaynerning“Yuventus” bilan tuzgan amaldagi shartnomasi mavsum oxirida yakuniga etadi. Dani Alves turinliklar safiga kelgandan so'ng shveytsariyalik futbolchi o'z o'rnini yo'qotdi va hattoki, EChL ro'yxatiga ham kiritilmadi.
“Yuventus”da bir tomonlama Lixtshtayner bilan kelishuvni uzaytirish huquqi bor, biroq Gazzetta dello Sport nashrining yozishicha, u yanvarda klubni tark etadi. Stefan EChLda bu mavsum o'ynamadi, shu sabab “Barselona” safiga maydonga tushishi mumkin. Agar Lixtshtayner “Barselona”ga o'tadigan bo'lsa, Aleysh Vidal jamoani tark etadi.
— deya xabar beradi uff.uz nashri.