“Manchester Yunayted” jamoasi himoyachisi Kris Smolling oyog'idagi barmog'ini sindirib olgani uchun kamida bir oyga safdan chiqdi. Bu haqda Daily Mail xabar bermoqda. Ma'lum bo'lishicha, jamoa bosh murabbiyi Joze Mourino “Chelsi”ga qarshi (0:4) o'yin oldidan shifokorlar shtabidan futbolchiga og'riq qoldiruvchi ukol qilishni so'ragan. Ammo u maydonga chiqmadi. Xuddi shunday holat “Suonsi”ga qarshi (3:1) o'yinda ham kuzatildi. Shundan so'ng portugaliyalik mutaxassis futbolchiga e'tiroz bildirdi. Tibbiy ko'rik esa himoyachining barmog'i singanini ko'rsatdi. Joriy mavsumda Kris Smolling Angliya chempionatining 7 o'yinida maydonga tushib, bitta gol kiritgan. 
— deya xabar beradi uff.uz nashri.