Qarshi va Andijon shaharlarida oliy va birinchi liga klublarining tayyorlov guruhlari o'rtasida O'zbekiston birinchiligining final bosqichi qizg'in pallasiga kirdi. “Bunyodkor” futbol maktabi tarbiyalanuvchilari ham uchala yosh toifasida ham muvaffaqiyatli ishtirok etmoqda. 1998-1999 yillarda tavallud topgan o'rtasida o'tayotgan musobaqaning guruh bosqichi yakunlariga ko'ra, Dmitriy Kim va Abdumajid Toirov shogirdlari birinchi o'rin bilan yarim finalga chiqishdi. Otabek G'ulomxo'jaev va Yorqin Nazarov ustozlik qilayotgan “Bunyodkor-2000” jamoamiz yarim finalda “Paxtakor”ni 1:0 hisobida mag'lubiyatga uchratib, final yo'llanmasini qo'lga kiritdi. Endi tarbiyalanuvchilarimiz bosh sovrin uchun kechadigan bahsda musobaqa mezbonlari “Nasaf” jamoasi bilan kuch sinashadi. 2002-2003 yillarda tug'ilganlar o'rtasida Andijon shahrida o'tayotgan musobaqaning ham finalchilari ma'lum bo'ldi. Muxlislar bu erda ham final yo'llanmasi uchun “Bunyodkor” va “Paxtakor” qarama-qarshiliga guvoh bo'lishdi. Qiziqarli kechgan bahsda Sergey Chigodaev va Akmal Risqullaev murabbiyligidagi “Bunyodkor-2002” jamoasi raqiblarini 2:0 hisobida mag'lubiyatga uchratishib, final yo'llanmasini qo'lga kiritishdi. Shu tariqa, hozircha “Bunyodkor” futbol maktabining uchta jamoasidan ikkitasi finalda ishtirok etishi oydinlashdi. Ertaga 1998-1999 yilda tug'ilganlar o'rtasida yarim final uchrashuvlari o'tkaziladi.Unda “qaldirg'ochlar” poytaxtning “Lokomotiv” tarbiyalanuvchilari bilan kuch sinashadi.
— deya xabar beradi uff.uz nashri.