Mana «Manchester Yunayted»ning boshiga Joze Mourino kelganiga ham 3 oydan oshdi. Bu vaqt oralig'ida «Benazir» murabbiy jamoaga bir muncha taniqli futbolchilarni yaxshigina summa evaziga olib keldi.Qizil iblislar ishqibozlari jamoaga Joze kelganidan so'ng bir xursand bo'lishgan bo'lsa, Ibragimovich, Pogba, Mxitaryan kabi yulduzlar endi «orzular teatri» da to'p surishini eshitib ikki baravar shodlanishdi. Chindan ham, yuqoridagi futbolchilarning kelishi butun futbol axlida o'zgacha taassurot uyg'otdi. Ya'ni ko'pchilikning fikri deyarli bir xil edi. APL super murabbiylar bilan to'lib toshgan paytda MYu yana shoxsupaga qaytadi va bu yo'lda yuqorida nomlari keltirilgan futbolchilarning xizmatlari beqiyos bo'ladi degan fikru-xayollar ko'pchilikning miyasida aylanayotgandi. To'g'ri, boshlanishi chakki bo'lmadi. Ibra ketma-ket gollar urdi, jamoa superkubokni o'ziniki qildi. Biroq, mana APL ning 11 turi ortda qolibdiki, «Myu» bu yil o'zidan kutilgan o'yinni yarmini ham ko'rsata olmadi. Buning sabablari esa turlicha. Misol uchun, muvofaqqiyatsizliklarga sabab bo'layotgan narsalardan biri bu asosiy tarkibning aniq emasligi. Joze jamoaga kelgan zaxoti bor futbolchilarni o'zi uchun sara va po'choqqa ajratdi. Uning bosh xatosi ham shunda edi. Maydon markazida xaqiqiy jangchilardek to'p suradigan Maykl Kerrik zaxiraga mixlandi. Morgan Shnayderlin nima uchun bu jamoaga o'tganiga ham tushunmay qoldi. Shunchaki u Van Galning rejalarida bor edi, biroq unga Joze extiyoj deyarli sezmayapdi. Germaniyalik moxir yarim ximoyachi Shvaynshtayger esa bilmadik qaysi gunoxi uchun yoshlar jamoasiga faqat mashg'ulot o'tash uchun surgun qilindi. Davomi Penalti.uz da
— deya xabar beradi uff.uz nashri.