Ertaga katta bor. Seul shahridaga "World Cup" stadionida Janubiy Koreya hamda O'zbekiston milliy terma jamoalari o'rtasida JCh-2018 musobaqasining Osiyo qit'asidagi saralash uchrashuvi bo'lib o'tadi. Bu o'yin haqida ko'p gapiryapmiz va yozyapmiz. Boshqacha bo'lishi ham mumkin emas.
Garchi, uchrashuvga bir kun qolgan bo'lsada, hayajon bugundanoq kishi vujudini chulg'ab bormoqda. Nima bo'lsa bo'lsin bu o'yinda yutqazmasligimiz kerak. Aks holda 3-o'ringa tushib ketamiz va hammasini boshqatdan boshlashimizga to'g'ri keladi. Bu esa imkoniyatlarimiz keskin pasayib ketishini anglatadi.
Ertaga Seulda mahalliy jamoani 65 mingdan ziyod muxlis bevosita maydonda qo'llab-quvvvatlab turadi. Bilamiz, ertaga vakillarimizga oson bo'lmaydi. Ularga qarshi katta kuch bilan o'ynashadi. Ammo, ko'pchilik tomonidan tarif berilayotgan yil o'yinida futbolchilarimiz maksimal imkoniyatlarini namoyish etishlari shart bo'ladi.
Biz bilamizki, O'zbekiston termasi o'z o'yinini qilsa Osiyo grandlariga qarshi bemalol turib bera oladi. Ertaga ijobiy natija bo'lishidan umidvormiz.
Olg'a yigitlar, mana shu safar boringizni bering maydonda. Qo'lingizda kelishiga ishonamiz!
— deya xabar beradi uff.uz nashri.