Tong ham otdi... Yurtimiz bo'ylab quyosh o'zining kuzgi nurlarini sochishni boshladi. U hammaga birdek nur taratmoqda. Hamma o'z ishi bilan ovora. Kimdir ishga shoshadi, kimdir uy yumishlari bilan...
Bugun men birinchi marta futbolga qiziqmaydigan erkaklarga havas ko'zi bilan qaradim... Yo'q, ular futbolga qiziqmagani uchun emas, balki bugungi hayajon ularni chulg'ab olmagani uchun. Ularga Seuldagi o'yin taqdirining unchalik ham ahamiyati yo'q. Ularning yuragi o'zbek futbolining asl ishqibozichalik hapqirmaydi, bugun. Ularga oson!
Chunki, vatan jamoasi o'ynayotgan muhim pallada uncha-muncha yuraklar joyida jimgina tura olmaydi.
Ha, bugun o'yin bo'ladi. Sharqning eng rivojlangan shaharlari bo'lgan Seulda Janubiy Koreya hamda O'zbekiston milliy terma jamoalari o'zaro kurash olib borishadi. Bugun o'yin o'tadigan "World Cup" stadioni qizil rangga burkanadi. Bugun bizning ko'zlar yuqoridan turib qaraydi va qip-qizil alvon shafaqda faqatgina 11ta ko'k "nuqta"ni (libos) ajratib oladi. Ular bizning yigitlar bo'lishadi.
Balki, hali ham bugungi o'yinning ahamiyatini tushinib etmayotgandirsiz, ammo bugungi o'yin bizga JCh-2018 eshigini ochishi yoki yopishi mumkin. Ishonavering, agar 3-o'ringa tushib ketsak keyin ko'tarila olmaymiz. Eron va Koreya joyini bermaydi, keyin.
Pley-offga chiqqan taqdirda ham Qit'alararo o'tish o'yinidagi raqibni enga olmaymiz. JChga chiqishga harakat qilayotgan Amerika qit'asidagi istalgan jamoasi Osiyoning "Top-4"dan pasini enga oladi. Real voqea shundan iborat.
Bugun nima qilib bo'lsa ham yutqazmasligimiz kerak. Bir kunga "avtobus" taktikasida o'ynasak ham mayli, gol urmasdan durang o'ynasak ham mayli. Ammo, yutqazmasligimiz shart!
Yigitlar, o'rningizdan turing! Boshingizni o'zbekona yuqoriga ko'taring! Axir siz O'zbekistonning farzandlarisiz! Biz hech kim oldida bosh egmaganmiz. Bugungi salohiyatingiz kamida durang o'ynashga etadi. Umuman, Koreyaning ham ishlari unchalik yaxshi emas. Bugun ularda "arosat" tarkib maydonga tushadi. Siz esa birlashing, yakdil bo'ling.
Sherigingiz xatosi uchun ham siz kurashing. Jamoadoshingizni uyatga qo'ymang. Har bir qarich maydonda butsangiz izi qolsin. Natija bo'ladi shunda... Bo'ladi! O'zbekistonda sizni sevishadi va qo'llab-quvvatlab turishadi.
Eslatib o'tamiz, bugungi uchrashuv Toshkent vaqti bilan soat 16.00da boshlanadi. "Sport" telekanali uni to'g'ridan-to'g'ri jonli efirda namoyish etadi.
Olg'a, yigitlar degancha, bugungi uchrashuvlar anonsi bilan tanishtirib o'tamiz: 5-tur 15.11.2016 B 15:35 Yaponiya -:- Saudiya Arabistoni A 16:00 Janubiy Koreya -:- O'zbekiston A 16:35 Xitoy -:- Qatar A 17:00 Suriya -:- Eron B 17:00 Tayland -:- Avstraliya B 20:20 BAA -:- Iroq
— deya xabar beradi uff.uz nashri.