“Manchester Yunayted” hujumchisi Ueyn Runi yosh jamoadoshlari Antoni Marsyal va Memfis Depaylarning kelajakdagi imkoniyatlari to'g'risida o'z fikrini bildirdi. “Oldindan aniq aytish qiyin, ammo ko'rinib turibdiki bu ikki o'yinchi katta potentsialga ega. Agar ular qattiq mehnat qilib, o'z ustida ishlashda davom etishsa, men va Krishtianu Ronaldu erishgan yutuqlarga erishishlari mumkin. Men bundan faqatgina xursand bo'laman. Marsyal „MYu“ga o'tganidan so'ng juda yaxshi o'yin ko'rsatayapti, deb hisoblayman. Shu bilan birga u yosh va hali ko'p narsa o'rganishi mumkin. Ehtimol, u jamoaning eng tezkor o'yinchisidir” — dedi Runi «Manchester Yunayted» televideniesiga bergan intervyusida.
— deya xabar beradi uff.uz nashri.