Osiyo qit'asidan JCh–2018 turniriga saralash bosqichi “B” guruhi 5-turida Yaponiya terma jamoasi o'z maydonida Saudiya Arabistoniga qarshi bahs olib bordi. Bir necha daqiqa avval yakuniga etgan o'yinda yaponiyaliklar 2:1 hisobida zafar quchdi. Uchrashuvning 45-daqiqasida Xiroshi Kiyotake penaltidan gol kiritgan bo'lsa, 79-daqiqada Genki Xaraguchi hisobni oshirdi. 90-daqiqada Motaz Xavsavi bitta javob golini kiritdi. Mag'lubiyatga qaramay, Saudiya Arabistoni 10 ochko bilan guruhda peshqadam bo'lib qoldi. Yaponiyada ham 10 ochko bor va ular faqat to'plar nisbati bo'yicha ortda qolmoqda. JCh–2018 saralashi. OFK “B”guruhi, 5-tur Yaponiya – Saudiya Arabistoni 2:1 Gollar: Xiroshi Kiyotake (45), Genki Xaraguchi (79) – Motaz Xavsavi (90). 
— deya xabar beradi uff.uz nashri.