"Arsenal" himoyachisi Ektor Bellerin jarohat sabab to'rt haftaga safdan chiqdi. "Kannonirlar" ustozi Arsen Venger, ispaniyalik o'yinchi "Tottenxem"ga qarshi uchrashuvda jarohat olgani va uzoq muddatga safdan chiqqanini aytib o'tdi. "Bellerin to'rt haftaga safdan chiqdi. U Danni Rouz bilan bo'lgan to'qnashuvda jarohat oldi, o'yin tugashiga esa 10 soniya qolgan edi" – deya Venger so'zlarini keltirmoqda VVS nashri. Shuning bilan Bellerin Angliya chempionatida "Manchester Yunayted", "Bornmut", "Vest Xem", "Stok", "Everton", EChLda "Pari Sen-Jermen" va "Bazel" klublariga qarshi uchrashuvlarni o'tkazib yuboradi.
— deya xabar beradi uff.uz nashri.