Angliya chempionati 12-turidan o'rin olgan «Tottenxem» hamda «Vest Xem» klublari o'rtasidagi bahs o'z nixoyasiga etdi. Unda maydon egalari qiyinchilik bilan irodali g'alabaga erishdilar. Uchrashuvning 24-daqiqasida mehmonlar a'zosi Antonio ilk golni urdi. Ikkinchi bo'limni «Tottenxem» futbolchilari hujumkor ruhda boshladilar va bu 51-daqiqada o'z samarasini berdi. Uchrashuvning 68-daqiqasida Yanssen mehmonlar himoyachisi Ridni jarima maydonchasi ichida qo'pollik bilan to'xtatib qoldi, natijada Lansini penaltidan unumli foydalanib jamoasini oldinga olib chiqdi. Uchrashuv yakunlanib borayotga bir paytda, zaxiradan maydonga tushgan qit'adoshimiz Son Xyon Min jarima maydoniga yorib kirib Keynga to'pni oshirdi va ingliz futbolchisi vaziyatdan unumli foydalandi. Hakam tomonidan qo'shib berilgan daqiqalarda yana o'sha Son jarima maydonchasida raqibini aldab o'tganidan so'ng unga nisbatan qo'pollik ishlatildi va penalti! 11 metrlik jarima to'pidan Keyn unumli foydalandi va yakuniy hisobni o'rnatdi. Angliya chempionati. 12-tur Tottenxem – Vest Xem 3:2 (0:1, 3:1) Gollar: 0:1 – 24 Antonio, 1:1 – 51 Uinks, 1:2 – 68, penalti Lansini, 2:2 – 89 Keyn, 3:2 – 90+1, penalti Keyn. Tottenxem – Loris, Vertongen, Rouz, Uoker (Tripper, 89), Uinks, Vanyama, Eriksen, Dayer, Dembele (Son Xyon Min, 72), Keyn, Yanssen (Alli, 68). Vest Xem – Rendolf, Ogbonna, Rid, Kressuell, Antonio, Lansini, Kuyate, Payet (Nordtveyt, 85), Obiang, Ayyu (Fernandesh, 61), Sako (Dzadza, 61). Ogohlantirishlar: Lansini (31), Dembele (35), Uoker (53), Rouz (62), Antonio (64), Rid (90). Chetlatish: Rid (90+6).
— deya xabar beradi uff.uz nashri.