“Los-Anjeles Gelaksi” hujumchisi Robbi Kin dekabrda shartnomasi o'z nihoyasiga etishi munosabati bilan amerikanlik klubni tark etishini e'lon qildi. “Fantastik besh yildan so'ng “Los-Anjeles Gelaksi”ni tark etayotganimni tasdiqlashim mumkin. Men uchun bunday buyuk klubning tarixidan joy olish katta sharaf bo'ldi va men umrbod buni unutmayman. Endi yangi chaqiruv vaqti keldi, mening faoliyatim davom etadi”, – deydi Kin. “Gelaksi”da o'tkazgan olti mavsumi davomida 36 yoshli irlandiyalik futbolchi kaliforniyaliklarga uch bora MLS chempionligi qo'lga kiritishga yordam berdi va 100 dan ortiq gollar kiritdi.
— deya xabar beradi uff.uz nashri.