Sir emaski, o'zbekistonlik legionerlarning aksariyati Rossiya chempionatida o'ynab, mahalliy muxlislar yoqimtoyiga aylanishgan. Ular orasida ushbu birinchilikda eng ko'p uchrashuv o'tkazgan futbolchilar kimligini bilasizmi? Mabodo bundan bexabar bo'lsangiz, Sports.uz ijodkorlari tomonidan tayyorlangan ushbu maqola orqali mavzu qahramonlari bilan tanishishingiz mumkin. 10. Aleksey POLYaKOV - 107ta o'yin O'ynagan klublari: «Lokomotiv» Moskva (28), «Krilya Sovetov» (64), «Luch-Energiya» (6), «Tom» (9). Mahoratli darvozabon Rossiya chempionatining 14ta mavsumida 107ta o'yin o'tkazgan. Polyakov ana shu uchrashuvlarning 105tasida asosiy tarkibda maydonga tushib, 104tasida to'liq 90 daqiqa harakat qilgan. Aleksey shuningdek, 184 uchrashuvda zaxira o'rindig'ida qolib ketgan. Hakamlar tomonidan 4 marta ogohlantirilib, 1 bor «qizil»ga loyiq ko'rilgan. 9. Andrey FYoDOROV - 110ta o'yin, 4ta gol O'ynagan jamoalari: «Alaniya» (42-1), «Rubin» (68-3). Hozirda Farg'onaning «Neftchi» klubiga ustozlik qilayotgan murabbiy futbolchilik faoliyati davomida Rossiya chempionatining 8 mavsumida 110 uchrashuvda maydonga tushib, 4ta gol urgan. Fyodorov 95 uchrashuvni asosiy tarkibda boshlab, shularning 80tasini to'liq maydonda o'tkazgan. 40 o'yinda zaxira o'rindig'ida qolib ketgan himoyachi 23 marta sariq va 4 bor qizil kartochka bilan jazolangan. «Rubin» libosida ikki mavsum mamlakat chempionligini nishonlagan. 8. Andrey AKOPYaNTs - 117ta o'yin, 5ta gol O'ynagan jamoasi: «Rostselmash» («Rostov», 117-5). Akopyants 2000-2005 yillar davomida Rostov jamoasida 117 o'yin o'tkazib, 5ta gol urgan. 95 uchrashuvda asosiy tarkibda maydonga tushib, 52ta bellashuvda to'liq o'ynagan. Murabbiylar Andreyni 27 bahsda zaxirada qoldirishgan. Futbolchi hisobida 5ta sariq kartochka ham mavjud. 7. Nikolay ShIRShOV - 120ta o'yin, 1ta gol O'ynagan jamoasi: «Rostselmash» («Rostov», 120-1). Shirshov Rostov klubida Akopyants bilan birga to'p surgan. Chempionatda 120 o'yin o'tkazib, 1ta gol urgan. Nikolay 107 uchrashuvni asosiy tarkibda boshlab, 91ta bahsda o'yin oxirigacha maydonda harakat qilgan. 25 bellashuvda zaxirada qolib ketgan, 24 marta ogohlantirilib, 1 bor chetlatilgan. Davomi interfutbol.uz saytida.
— deya xabar beradi uff.uz nashri.