Kecha oqshom EChL tarixidagi eng sermahsul o'yinga guvoh bo'ldik.  Dortmundning “Borussiya”si hamda “Legiya” (8:4) Chempionlar ligasi guruh bosqichining 5-tur uchrashuvida 12ta gol kiritgan holda Chempionlar ligasi rekordini yangiladilar. Bundan tashqari, musobaqa tarixida ilk bor birinchi bo'limda 7ta gol urildi.
Futbolning eng go'zal  hosilasi – darvozaga kiritilgan gol, deyishadi. Agar bahsdagi ikki bo'lim davomida jamoalar tomonidan gol urilmasa, futbol ko'rgandek ham bo'lmaysan, kishi.    E'tiboringizga, futbol tarixidagi eng katta hisobda yakunlangan g'alabalarni havola qilamiz.
Konfederatsiyalar Kubogi, Ispaniya – Taiti – 10:0  
2014 yildagi qit'alaroaro Kubokning guruh bosqichida “Qizil furiya” kutilganidek raqib darvozasiga javobsiz o'nta gol kiritib,  Taiti termasini engadi.  Tinch okeaninidagi kichkinagina oroldagi 250 ming aholi yashovchi FIFA tasnifida 138-  o'rinda turadigan   mamlakatning futbolchilari uchun Ispaniya singari yuqori saviyadagi jamoalar bilan maydonga tushishning o'zi - baxt edi. Axir, taitiliklar bu darajadagi musobaqalarda ishtirok etishmagan - Xuan Mata, Fernando Torres va uning jamoadoshlarini faqat televizor orqali tomosha qilar edilar, xolos. Qisqasi, afsonaviy “Marakana” stadionida dunyoning eng zo'r termasidan haqoratomuz mag'lubiyatga uchragan jamoa umuman xafa bo'lmadi. Quvonarli jihat, katta hisobda yutqazayotgan termani butun stadion  o'yin davomida qo'llab turdi.
O'yindan so'ng bo'lib o'tgan matbuot anjumanida Ispaniya termasi yarim himoyachisi Xuan Mata shunday degan edi – “Biz jarohatlar olmay g'alaba qozondik va futbol o'ynab zavqlandik. Taiti termasi bo'lsa yaxshi o'ynab, so'ngi daqiqagacha gol urishga harakat qildi. Bu jamoani turnirda ishtirok etgani uchun tabriklash kerak”   
Shotlandiya Kubogi, "Arboat" — "Bon Akkord" — 36:0
Yaqin yillargacha futbol tarixidagi  eng katta hisobdagi g'alaba Shotlandiya Kubogi finalida ro'y bergan deyilar edi. Bu voqea uzoq 1885-yili  o'sha paytda taniqli bo'lgan “Arboat” klubi  to'qson daqiqa davomida kamtarona “Bon Akkord” darvozasiga 36ta javobsiz gol kiritgan. Futbol sohasi mutaxassislari aynan mana shu natijani futbolchilar va jamoalar o'rtasida kelishuv bo'lmagani sababli futbol tarixidagi eng katta hisobdagi g'alaba deyishadi.
Madagaskar chempionati, "Stad Olimpik  L’Emirn" — "Adema" — 0:149
Menimcha, “Olimpik”  o'yinchilari "Yaxshi ishlar orqali mashhur bo'lish qiyin", — deb o'ylashgan bo'lsa kerak. Ular 2002-yilgi  chempionat finishida hech kimning hayoliga kelmagan hisobni qayd etdilar. O'sha paytlari mavsumning eng asosiy bahslari Tuamasin shahrida o'tkazilar va o'sha erga mamlakatning to'rtta eng kuchli jamoasi yig'ilib, yangi chempionni aniqlash uchun bahslarga kirishar edi. Biroq, Madagaskar birinchiligining o'tgan yilgi chempioni “Olimpik” bir tur oldin hakamning o'yin tugashi oldidan noxolis qo'ygan o'n bir metrlik jarima to'pi oqibatida birinchi bo'lishdan mosuvo etilgandi. Qarangki,  hakamlar bilan bog'liq muammolar Sharqiy Afrikadagi orol davlatida ham bor ekan. "Olimpik" esa  bu darajadagi nohaqlikdan hech o'ziga kela olmay, natijasi hech qanday o'rin tutmaydigan bahsda keyinchalik butun dunyoni hayratga solib, Ginnes kitobiga kiritilgan  haqiqiy spektakl namoyish etib berdi.
O'yin boshlanishidan darak beruvchi uchun hushtak chalinishi bilan “Olimpik” futbolchilari murabbiy tomonidan berilgan vazifani bajarishga ya'ni – o'z darvozalariga... ha o'z darvozalariga ko'proq gol kiritishga kirishib ketdilar! Avvaliga, lolu-hayron “Adema” futbolchilari nima bo'layotganini fahmlamay dong qotishdi, keyinchalik esa maydonda yuz berayotgan voqealarga halaqit bermay qo'ya qoldilar. Hakamning final hushtagi chalinayotgan paytga kelib tabloda uchtalik raqamdan iborat natija yonib turardi. Shunday qilib, “Olimpik” to'purarlari o'z darvozalariga 149 marotaba gol kiritib, dunyo futboli tarixidagi eng yirik hisobni qayd etishandi.
2002 yil. Jahon chempionati saralash bahslari, Avstraliya – Amerika Samoasi – 31:0, Avstraliya – Tonga – 22:0
Avstraliya termasi 2002- yilgi jahon chempionati saralash bahslari doirasida rosa ko'ngilxushlik qilgan. Avvaliga ularning dastidan Tonga termasi 22ta gol o'tkazib, aziyat chekkan bo'lsa, ikki kun o'tib Amerika Samoasi futbolchilari bilan bo'lgan o'yinning to'qson daqiqasi davomida to'p 31 marotaba to'rga borib tushgan.  Mana shu natija milliy terma jamoalar o'rtasidagi o'yinlardagi eng yirik hisobdir. Avstraliyalik hujumchi Archi Tompsonning o'zi bir o'yinda 13ta gol kiritganiga nima deysiz?.. Oxir-oqibat yana mana shunday xunuk holatlar ro'y bermasligi uchun turnir formatiga o'zgartirishlar kiritildi. Avstraliya termasi  murabbiyi Frenk Farina katta natijalar qayd etilishiga chek qo'yish maqsadida nisbatan kuchsiz jamoalar o'rtasida boshlang'ich o'yinlar o'tkazishni taklif qilgan.
Evropa – 2008 chempionati saralash bosqichi, San-Marino – Germaniya – 0:13
San-Marino uchun katta hisobda yutqazish  ahyon-ahyonda bo'ladigan hodisa emas. Mitti davlat vakillari bilan  ana shunday  holatlardan biri Evro – 2008 saralash bosqichida ro'y bergandi.  2006- yilning sentyabrida  nemislar mehmonga kelishib, mezbonlarni hurmat qilib o'tirmay qit'a chempionatlari rekordini o'rnatib ketgan.  O'sha paytdagi “Bavariya” hujumchisi Lukas Podolski to'rtta to'pga mualliflik qilgan bo'lsa Bastian Shvaynshtayger, Miroslav Kloze, Mixael Ballak  va Tomas Xittslshpergerlar dubl qayd etishdi. Manuel Fridrix va Bernd Shnayderlar o'z hisobiga bittadan gol yozib qo'ydilar. Shunday qilib,  bundestim vakillari 1983 yili Ispaniya tomonidan qayd etilgan rekord natija (Ispaniya – San-Marino  12:1)ni yangiladilar.  Lekin, nemislar o'zlari tomonidan o'tgan asar boshidagi rekordga baribir eta olshmadi. 1912 yili ular Rossiya imperiyasi termasiga javobsiz 16 gol kiritishgan.
Mongoliya – O'zbekiston 0-15
O'zimizning milliy terma jamoamiz ham 1998 yilning 5 dekabr kuni Tailandning Chiang-May shahrida bo'lib o'tgan o'rtoqlik uchrashuvida Mongoliya termasi darvozasini 15 marta ishg'ol qilib, o'z darvozasidan biror marta ham to'p o'tkazmagan.    
Milliy terma jamoalar o'rtasidagi bahslarda qayd etilgan eng yirik natijalar
Vengriya : Salvador 10:1    1982
Vengriya : Koreya 9:0    1954
Yugoslaviya : Zair 9:0    1974
Shvetsiya : Kuba 8:0    1938
Urugvay : Boliviya 8:0    1950
Germaniya : Saudiya  Arabistoni 8:0    2002
Turkiya : Koreya 7:0    1954
Urugvay : Shotlandiya 7:0    1954
Gaiti : Polsha 0:7    1974
Italiya : AQSh 7:1    1934
Braziliya : Shvetsiya 7:1    1950
GFR: Meksika 6:0    1978
Argentina : Peru 6:0    1978
Sobiq Ittifoq : Vengriya 6:0    1986
Mongoliya : O'zbekiston 0-15    1998
Germaniya :Braziliya 7-1    2014
UEFA chempionlar Ligasining asosiy bosqichlarida qayd etilgan eng yirik g'alabalar.
Guruh bahslari
8:0: "Liverpul" - "Beshiktash"
06.11.2007
7:0: "Yuventus" - "Olimpiakos"
10.12.2003
7:0: "Arsenal" - "Slaviya" Praga
23.10.2007
0:7: "Jilina" - "Olimpik"
03.11.2010
7:0: "Valensiya" - "Genk"
23.11.2011
0:7: BATE - "Shaxter"
21.10.2014
1/8 final
7:0: "Bavariya" - "Bazel"
13.03.2012, javob o'yini
7:0: "Bavariya" - "Shaxter"
11.03.2015, javob o'yini
1/4 final
7:1: "Manchester Yunayted" - "Roma"
10.04.2007, javob o'yini
1/2 final
4:0: "Bavariya" - "Barselona"
23.04.13, birinchi o'yin
0:4: "Bavariya" - "Real"
29.04.14, javob o'yini
Final
4:0: "Milan" - "Barselona"
18.05.94, Afina Elmurod ERMATOV
— deya xabar beradi uff.uz nashri.