“Real Madrid” jamoasi bosh murabbiyi Zinedin Zidan klub yarim himoyachisi Garet Beyl jarohat olganini tasdiqladi. 27 yoshli futbolchi “Sporting” klubiga qarshi (2:1) EChL 5-tur o'yinining 58-daqiqasida maydonni tark etgandi. Uchrashuvdan so'ng uelslik futbolchining o'ng oyog'i shikastlangani aniqlandi. “Garet Beyl jarohat oldi. Ammo ertagacha kutib, muammo nimada ekanini aniqlab olamiz. Tibbiy ko'rikdan so'ng barchasiga oydinlik kiritiladi”, – deydi Zidan. Avvalroq uelslik futbolchi jarohati tufayli jarroh stoliga yotishi mumkinligi va 4 dekabr kuni “Barselona”ga qarshi o'tadigan “El-Klasiko”ni o'tkazib yuborishi mumkinligi haqida ma'lum qilingandi. 
— deya xabar beradi uff.uz nashri.