«Beshiktosh» klubi Chempionlar ligasi 5-turi doirasida «Benfika»ni qabul qildi. Uchrashuvda turkiyalik futbolchilar ajoyib «kambek» qayd qilishga erishdilar, ya'ni 0:3 hisobida ortta borayotib, muvozanatni tiklashga muvaffaq bo'ldilar. Uchrashuvda muhlislar ikki xil taym guvohiga aylandilar. Birinchi bo'limda Gonsalu Gedesh (10), Nelson Semedu (25) va Feysalar (31) to'p kiritib, mehmonlarni tanaffusga yirik hisobda olib chiqib ketdilar. Ikkinchi bo'limda biroz hotirjamlikka  berilgan mehmonlarni «Beshiktosh» vakillari munosib jazoladilar. Tosun 58-daqiqada va 83-daqiqada Kuarejma hisobni qisqartirgan bo'lsalar, o'yinning asosiy vaqti tugashiga bir daqiqa qolganida Abubakar muvozanatni tikladi. Evropa Chempionlar Ligasi. 5-tur Beshiktosh Turkiya – Benfika Portugaliya 3:3 (0:3, 3:0) Gollar: 0:1 – 10 Gonsalu Gedesh, 0:2 – 25 Nelson Semedu, 0:3 – 31 Feysa, 1:3 – 58 Tosun, 2:3 – 83, penalti Kuarejma, 3:3 – 89 Abubakar. Beshiktosh – Fabrisio, Genyul (Tosun, 46), Marselo, Toshich (Nukan, 60), Bek, Oz'yakup, Xatchinson, Kuarejma, Arslan (Inler, 46), Adriano, Abubakar. Benfika – Ederson, Nelson Semedu, Luizao, Lindelef, Elizeu, Salvio, Pitstsi, Feysa, Servi (Rafa Silva, 64), Gonsalu Gedesh (Samaris, 75), Mitroglu (Ximenes, 86). Ogohlantirish: Arslan (28), Pitstsi (34), Luizao (77), Abubakar (90).
— deya xabar beradi uff.uz nashri.