“Liverpul” afsonasi, “Los-Anjeles Gelaksi” klubi va Angliya terma jamoasi sobiq yarim himoyachisi Stiven Jerrard faoliyatini yakunlaganini ma'lum qildi. “Menda ajoyib faoliyat bo'ldi. “Liverpul”, “Los-Anjeles Gelaksi” va Angliya terma jamoasiga rahmat aytmoqchiman. Men o'zimni baxtliman, chunki ajoyib damlarni boshdan kechirdim. “Lvierpul” safida sardor bo'lib, ushbu jamoa tarkibida 700 dan ortiq o'yinda maydonga tushganimdan g'ururlanaman. Faoliyatim davomida buyuk futbolchilar bilan bir qatorda to'p surdim. Men bilan birga bo'lgan muxlislardan minnatdorman. Va albatta, shuncha yillar davomida menga dalda bergan oilamga rahmat. Kelgusi faoliyatim haqida keyinroq ma'lum qilaman”, – dedi Jerrard.  36 yoshli Jerrard aksariyat faoliyatini “Liverpul”da o'tkazgan. Klub miqyosida u “Liverpul” va “Los-Anjeles” safida to'p surib, jami 729 o'yinda maydonga tushdi va 185 ta gol hamda 115 ta golli uzatmaga mualliflik qildi. Angliya terma jamoasida 114 o'yinda maydonga tushgan Stiven Jerrard 21 ta gol kiritgan. 
— deya xabar beradi uff.uz nashri.