Ispaniya chempionatiga oid ma'lumotlarni e'tiboringizga havola etishda davom etamiz.
Bu safar La liga tarixida eng ko'p "xet-trik"ka erishgan 5 futbolchi haqida to'xtalib o'tamiz.
5. Edmundo Sanches - 19 ta
"Atletik" Bilbao tarbiyalanuvchisi bo'lgan Sanches faoliyatining asosiy qismini "Valensiya" jamoasida o'tkazgan. U 1939-1950 yillarda "Ko'rshapalaklar" libosida la ligada 210 ta o'yinda 186 ta golga mualliflik qildi. Edmundo chempionatda 19 marta "xet-trik" qayd etgan.
3-4. Telmo Sarra - 22 ta
Yaqin-yaqingacha Ispaniya chempionati tarixidagi eng sermahsul futbolchi va eng ko'p "xet-trik"ka erishgan futbolchi Sarra edi. U 1940 yildan "Atletik" Bilbao jamoasida to'p surishni boshlab, 15 mavsum davomida chempionatda 251 ta gol urgan. Telmo 22 ta uchrashuvda 3 ta va undan ortiq gol urishning uddasidan chiqqan.
3-4. Alfredo DI Stefano - 22 ta
Di Stefano 1953-1964 yillar mobaynida "Real" uchun 216 gol urgan bo'lsa, keyingi ikki mavsum "Espanol" jamoasi tarkibida 11 ta golga mualliflik qilgan. Alfredo ham Sarra cingari 22 bellashuvda "xet-trik" qayd etgan holda, bu borada etakchilik qilayotgan edi. Biroq futbol tarixidagi ikkita eng buyuk futbolchi qarama-qarshiligi boshlangach, ular 3-4-o'rinlarga tushib ketishdi.
2. Lionel Messi - 26 ta
La liga tarixidagi eng sermahsul to'purar "xet-trik"lar bobida ikkinchi o'rinda bormoqda. Leo 2004 yildan buyon "Barselona" raqiblarini chempionatda 320 marta ranjitdi. U 26 ta o'yinda 3 ta va undan ortiq gol ura olgan.
Davomi Furqat Yusupov blogida
— deya xabar beradi uff.uz nashri.