Joriy yilning 17 va 18 noyabr kunlari Toshkentda “GROSS INSURANCE” sug'urta kompaniyasi tomonidan yuqori saviyada tashkil etilgan mini-futbol bo'yicha birinchi hayriya Turniri bo'lib o'tdi. Uning maqsadi O'zbekistonning sug'urta kompaniyalarini “Saxovat” va “Muruvvat” uylarining tarbiyalanuvchilariga va imkoniyati cheklangan bolalarga g'amho'rlik hamda imkon darajasida qo'shimcha yordam berishdan iboratdir.
Xalqimizning asriy an'analarini va udumlarini ardoqlash, qariyalar va yoshi kattalarga bo'lgan hurmat, o'sib kelayotgan avlodga g'amxo'rlik ko'rsatish mamlakatimizda hamisha dolzarb bo'lib kelgan. Shu borada, O'zbekistonda 2016 yil “Sog'lom ona va bola” deb e'lon qilinganligi ramziy ma'noga ega.
“GROSS INSURANCE” kompaniyasi mini-futbol bo'yicha birinchi hayriya Turnirini to'liq o'z hisobidan tashkil etish va o'tkazish tashabbusi bilan chiqib, hamda unda nafaqat mamlakatimizdagi sug'urta kompaniyalarini, balki lizing va ishlab chiqarish kompaniyalarini ham ishtirok etishga taklif etdi. Ushbu tashabbusni O'zbekiston sug'urta bozorining professional qatnashchilari Uyushmasi va 20dan ortiq sug'urta, lizing va ishlab chiqarish sohasidagi kompaniyalar qo'llab quvatladilar. Kompaniyalar tomonidan yo'llangan barcha mablag'lar O'zbekiston sug'urta bozorining professional qatnashchilari Uyushmasining hisob raqamida jamlandi.
Ochilish marosimida davlat va joylardagi boshqaruv organlarning, vazirlik va respublika idoralarning vakillari tabrik nutqlari bilan so'zga chiqdilar, shuningdek mamlakatimizning yorqin futbol yulduzlari – taniqli futbolchi Azamat Abduraimov, mini-futbol bo'yicha Osiyo FIFA bosh hakami Shuxrat Pulatov va boshqalarning so'zga chiqishlari diqqatga sozovor bo'ldi.
Turnir “playoff” olimpiya tizimi formatida o'tkazilgan bo'lib, mag'lub bo'lgan jamoa turnirdan chiqib ketishi ko'zda tutilgan edi. Hayriya turnirning o'yinlarini o'tkazilishi Mini-futbol bo'yicha Osiyo FIFA bosh hakami Shuxrat Pulatov boshchiligidagi professional hakamlar guruhi tomonidan kuzatildi.
Sog'lom raqobat va o'zaro hurmat ruhida ikki kun davomida o'tgan o'yinlarning natijasi sifatida, haqiqiy g'olib deb – "Alskom" sug'urta kompaniyasining Bosh direktori T.Iminovning so'zlariga ko'ra “Do'stlik”ning g'olib bo'lishi deb e'tirof etildi!
Turnirning yopilish marosimida futbol ishqibozlari va qatnashchilari uchun O'zbekistonda yilning to'qqiz karra eng yaxshi hakami, Osiyoda yilning besh karra eng yaxshi hakami va jahonda 2015 yilning eng yaxshi hakami nominatsiyasida «Global Soccer Awards» mukofotining sovrindori - Ravshan Sayfiddinovich Irmatovning tashrifi haqiqiy sovg'a bo'ldi.
Ayniqsa, g'olib jamoalarga bizning mashhur vatandoshimizning qo'llaridan kubok va esdalik sertifikatlarni, hamda oltin, kumush va bronza medallarni olishi yanada quvonch bag'ishladi.
Albatta, ushbu turnirda g'olib tomon hamda mag'lub tomonning yo'qligini alohida ta'kidlash lozim, chunki ushbu turnir hayriya sifatida tashkil etilgan bo'lib, yig'ilgan barcha mablag'lar O'zbekiston Respublikasi viloyatlarida joylashgan “Saxovat” va “Muruvvat” uylarining ehtiyojlariga yo'naltirilishi maqsad qilib qo'yilgan.
Ushbu hayriya turnirning o'tkazilishi an'anaviy bo'ladi deb umid qilamiz!
— deya xabar beradi uff.uz nashri.