“Nasaf” jamoasi O'zbekiston Kubogi finalida ilk marta 2003 yilda ishtirok etgan. Ushbu final uchrashuvida “ajdarlar” Toshkentning “Paxtakor” jamoasi bilan tuqnash kelishgan.

Uchrashuv 2003 yil 15 avgustda “Paxtakor” markaziy stadionida o'tkazilgan. 15 000 tomoshabin qarshisida bo'lib o'tgan final uchrashuvida jamoamiz 3:1 hisobida mag'lub bo'lgan.

Uchrashuvning 38-daqiqasida “Nasaf” jamoasining final uchrashuvidagi ilk golini 12-raqamdagi hujumchisi Dilshod Mavlanov kiritgan. Bu bilan Dilshod Mavlanov “Nasaf” jamoasining birinchi final uchrashuvidagi birinchi goli muallifi sifatida tarixda qolgan.

Ushbu sobiq futbolchimiz jamoamiz safida 2001-2006 yillar faoliyat yuritgan. Dilshod Mavlanov - “Mongol” laqabi bilan jamoamiz muxlislari yodida qolgan. Dilshod Mavlanovga oid yana bir qiziqarli fakt, O'zbekiston Kubogi-2016 final uchrashuvi kuni u o'zining 40 yoshini nishonlaydi. Sobiq futbolchimiz ayni damda Jizzax shahrida, bolalarga murabbiy sifatida futbol sirlarini o'rgatib kelmoqda.

“Nasaf”ning O'zbekiston Kubogi finalidagi so'nggi goli muallifi Sherzod A'zamov bo'lib turibdi. Esingizda bo'lsa, 2015 yil 17 oktyabr kuni Jizzaxda o'tkazilgan final uchrashuvining 74-daqiqasida Sherzod A'zamov gol kiritgan edi. Uchrashuv 2:1 hisobida jamoamiz g'alabasi bilan yakunlangan. Shunisi qiziqki, ushbu uchrashuvda Sherzod A'zamov 84-daqiqada avtogol muallifi ham bo'lgan.

“Nasaf” jamoasi final uchrashuvlarida raqiblari darvozasiga jami 5ta gol kiritgan.

Quyidagi O'zbekiston Kubogi final uchrashuvlarida gol urgan o'yinchilarimiz ro'yxatini e'tiboringizga havola qilamiz:

2003 yil. “Nasaf” – “Paxtakor” 1:3. Dilshod Mavlanov (38)
2011 yil. “Paxtakor” – “Nasaf” 3:1. Jahongir Jiyamurodov (90 pen.)
2012 yil. “Bunyodkor” – “Nasaf” 3:0
2013 yil. “Nasaf” – “Bunyodkor” 1:2. Ilhom Yunusov (53)
2015 yil. “Bunyodkor” – “Nasaf” 1:2. Sherzod A'zamov (84 avtogol) - Artur Gevorkyan (71), Sherzod A'zamov (74).
— deya xabar beradi uff.uz nashri.