"Manchester Yunayted" klubi yarim himoyachisi Bastian Shvaynshtayger MLS chempionatiga o'tib ketishi mumkin. Bu haqida Sportingnews portali xabar tarqatdi. Manbada aytilishicha, 32 yoshli nemisning xizmatlariga "Chikago" jamoasi jiddiy tarzda qiziqish bildirmoqda. Avvalroq, xavbek jamoa bosh murabbiyi Velko Paunovich bilan muzokaralar o'tkazgani ma'lum bo'lgandi. "Fayr" o'yinchiga uch yillik bitim taklif qilishga tayyor. Unga ko'ra Bastian yiliga 5,5 million dollar ishlab topish imkoniga ega bo'ladi.
— deya xabar beradi uff.uz nashri.